РусГидро компанияны Къабарты-Малкъарда бёлюмю Нальчикде Перинатал арагъа жангы медицина оборудование бергенди. Саугъа бла ары бёлюмню башчысы Игорь Кладько баргъан эди, деп билдиргендиле компанияны пресс-арасындан.

Оборудование  (гематологияда хайырланылгъан анализаторну) ол «Энергиядан туугъанла» жандауурлукъ программакъа кёре алыннганды. «Ол жангы  приборду. Къанны 22 кёрюмдюге тинтир ючюн анга жаланда 9 микролитр керекди. Ол а бу ишде бек къыйматлыды, нек дегенде, къагъанакъ сабийден не къадар аз къан алса, анга ол къадар игиди.

- Бизни арада бу алай ишлеген биринчи анализаторду. Кеси да бир сагъатха 60 тинтиу эталлыкъды. Алгъын а ол ишге эки кереге кёп заман къоратылгъанды, къан да асламыракъ керек болгъанды. Жангы приборну кече, кюн демей хайырланабыз, тинтиулени къуру къагъанакълагъа угъай, башхалагъа да этебиз, - дегенди Араны лабораториясыны башчысы Жантууланы Мадина.

Игорь Кладько уа: «Бу учреждениягъа биринчи кере болушмайбыз, битеу берген затларыбыз хайырлы эмда къыйматлы болурла деп ышанабыз», -деп къошханды.

«Энергиядан туугъанла» жандауурлукъ проектни РусГидро компания къайсы регионлада ишлей эсе да алада бардырады. Аны магъанасы уллуду - перинатал учрежденияланы, больницаланы сабийле туугъан бёлюмлерин шёндюгю оборудование бла онгдуруу. Къабарты-Малкъарда бу иш 2013 жылдан бери бардырылады. Быйыл а компания бизни регионда бу жаны бла 3 миллион сом багъасы себеплик этгенди.

Улбашланы Мурат.