РФ-ни ФСБ-сыны КъМР-де Чекчи управлениясыны къуллукъчулары Элбрус районну полициячылары бла бирге тыш къыраллыла россейли  законланы  къалай сакълагъанларын тинтгендиле.  Элбрус районда да болуп,  тыш къыраллыланы  араларында уа  эркинликсиз (патентсиз, урунуу келишимсиз)  ишлегенле болгъанларын  ачыкълагъандыла. 

Ала Орта Азияны къыралларындан келгенледиле. Алагъа РФ-ни Административ бузукълукъланы кодексини 18.8-чи статьясыны 1-чи кесегине, 18.10-чу статьясыны 1-чи кесегине кёре терслеу материалла ачылгъандыла. Аны бла бирге КоАП-ны 18.15-чи статьясыны 1-чи кесегине эмда

18.9-чу статьясыны 3-чю кесегине бузукълукъла этгенле да тохташдырылгъандыла. 

Бу шартланы юслеринден  Элбрус районда ОМВД-гъа белгили этилгенди. Бузукъчулагъа  административ буйрукъла жарашдырылгъандыла.

Тикаланы Фатима хазырлагъанды.