Сом меларди 10 къыдыщIагъу

24 декабря, 2024 - 06:06

 Мэкъумэш IуэхущIапIэхэм худэчых зыхэт кредитхэмкIэ защIэгъэкъуэным ехьэлIауэ лэжьа къэрал программэм сом меларди 10 дызэрыт илъэсым иджыри дыщIагъунущ. Апхуэдэ унафэм Iэ щIидзащ УФ-м и Правительствэм и УнафэщI Мишустин Михаил.

Ахъшэр субсидиеу иратыжынущ худэчых зыхэт кредит къэзыщта, мэкъумэш продукцэхэр къыщIэзыгъэкIхэмрэ абыхэм елэжь IуэхущIапIэхэмрэ. Апхуэдэ дэIэпыкъуныгъэм мэкъумэшыщIэхэм Iэмал къаритынущ мэкъумэш продукцэрэ ерыскъыуэ къыщIагъэкIым и куэдагъым хагъэхъуэну. 2024 гъэм худэчых зыхэт кредит къэзыщтахэм субсидиеу иратыжыну абыхэм щхьэкIэ къаутIыпщащ сом мелард 300-м нэблагъэ. Ахъшэр къыхэкIащ къэралым и мэкъумэш IэнатIэм зегъэужьын мурадкIэ федеральнэ бюджетым щыщу ягъэтIылъа мылъкум.

Абы къыдэкIуэу, банкхэми хъыбар ирагъэщIащ 2025 гъэм худэчых зыхэт кредитхэр мэкъумэш IуэхущIапIэхэм етыным ехьэлIауэ лажьэ программэм зэрыпащэнумкIэ икIи унафэ хуащIащ дызыхыхьэ илъэсым екIуэкIыну губгъуэ лэжьыгъэхэр, абы япэ игъэщыпхъэ нэгъуэщI Iуэхугъуэхэри ныкъусаныгъэншэу зэфIагъэкIын папщIэ, зыщIагъэкъуэну.

         «Япэ игъэщыпхъэ, мыхьэнэ нэхъыбэ зрат Iуэхугъуэхэр, губгъуэ лэжьыгъэхэри яхэту, худэчых зыхэт кредитхэмкIэ дэIыгъыныр псом япэщ», - щыжаIащ УФ-м Мэкъумэш хозяйствэмкIэ и министерствэм.

                            ХЬЭЩЫКЪУЕЙ Олег. 

  • 22 просмотра

Поделиться:

ЧИТАТЬ ТАКЖЕ:

16.10.2026 - 09:03

ЩIыналъищыр зэпащIэ

УФ-м транспортымкIэ и министрым и япэ къуэдзэ Пашков Константинрэ Къэрал гъуэгу агентствэм и унафэщI Новиков Романрэ видеозэпыщIэныгъэкIэ я гъусэу, КъБР-м и Iэтащхьэ КIуэкIуэ Казбек хэтащ Къэбэрдей
16.10.2026 - 09:03

Тхыдэр щахъумэ, щIэблэр щагъасэ

Тэрч районым хыхьэ Курп Ипщэ къуажэм дэт курыт еджапIэм Iэщыж Лолэ и цIэр зэ­рихьэу хэт школ музейр «Зи Iуэху бгъэ­дыхьэкIэр нэхъыфI музей» урысейпсо зэпеуэм текIуэныгъэр къыщызыхьа 70-м ящыщ хъуащ
16.10.2026 - 09:03

Жэпуэгъуэм и махуэ гуауэхэр

Налшык дэт 5-нэ къалэ библиотекэм щекIуэкIащ «Жэпуэгъуэм и махуэ ­гуауэхэр» зыфIаща зэIущIэр, 2005 гъэм ди республикэм къыщыхъуам теу_хуар.
15.10.2026 - 09:19

Мыхьэнэшхуэ зиIэщ бжыгъэхэр

Ди республикэм и Iэтащхьэ КIуэкIуэ Казбек хуэзащ Къэбэрдей-Балъкъэр Республикэм лэжьыгъэ IуэхукIэ мы махуэхэм къэкIуауэ щыIэ, Къэрал статистикэмкIэ федеральнэ къулыкъущIапIэм и уна­фэщIым и къуэдзэ
15.10.2026 - 09:18

Къалэным хуэпэжахэр ящыгъупщэркъым

Налшык щекIуэкIащ Хабзэхъумэ IэнатIэхэм я лэ­жьакIуэхэу зи къалэн зыгъэзащIэу хэ­кIуэ­­дахэм я фэеплъ пэкIу.