Мы илъэсым и мазипщIым къриубыдэу ди республикэм и мэкъумэш, фермер, уней IуэхущIапIэхэм зэхэту къыщIагъэкIащ продукцэу сом мелард 59,5-рэ и уасэ е нэгъабэ и апхуэдэ пIалъэм щыIа бжыгъэхэм проценти 104-кIэ хуэкIуэу.

КъБР-м и мэкъумэш хозяйствэм и IэнатIэ псоми хэхъуэ яIэ зэпытщ. Псалъэм папщIэ, дызэрыт илъэсым и щIышылэ - жэпуэгъуэ мазэхэм къриубыдэу Iэщ гъэхъун IэнатIэм лырэ джэдкъазылу (псэууэ шэчауэ) тонн мин 97,1-рэ къыщалэжьащ. Нэгъабэ и иджы хуэдэ пIалъэм щыIам нэхърэ проценти 7,3-кIэ нэхъыбэщ ар.

Къапщытэж пIалъэм къриубыдэу шэуэ къашащ тонн мин 558,7-рэ е нэгъабэрей бжыгъэхэм елъытауэ проценти 2,1-кIэ нэхъыбэ. ДжэдыкIэу кърахащ мелуани 190,7-рэ. Нэгъабэ яхузэфIэкIам нэхърэ ар проценти 4,5-кIэ нэхъыбэщ.

ХЬЭЩЫКЪУЕЙ Олег.