Урван районда Жаш тёлю арада  инженер машиналаны жыйыу бла байламлы республикалы эришиуле бардырылгъандыла. Тюрлю-тюрлю муниципал районладан келген бийик эм орта профессионал билим берген учрежденияладан жыйылгъан командала илму, инженер эм тюрлю-тюрлю проектлени къурау жаны бла кеси усталыкъларын кёргюзтгендиле. Аны юсюнден КъМР-ни Башчысы Казбек Коков кесини телеграм-каналында жазгъанды.
«Техника чыгъармачылыкъ бла кюрешгенле кеслерини устазлары бла не жаны бла да конструктор фахмуларын кёргюзтгендиле.
 Эришиулени баш борчлары – жаш тёлюню инженер усталыкъгъа сейирлерин къозгъауду эм алчы башламчылыкъланы айнытыугъа себеплик этиудю. Бу эришиуле районлада болгъан командаланы бир бирлери бла байламлыкъны тутаргъа эм сабийлени фахмуларын андан ары айнытыргъа себеплик этерикдиле.
 Турнир КъМР-ни Жаш тёлю министерствосуну эм Урван районну жер-жерли администрациясыны «Россейни жаш тёлюсю» деген федерал проектни чеклеринде бардырылгъанды»,- деп айтылады билдириуде.