Махъсидэ Елизаветэ дрогушхуэ

10 декабря, 2024 - 06:03

Иджыблагъэ хъыбар къызэрытIэрыхьамкIэ, гимнасткэ ныбжьыщIэ Махъсидэ Елизаветэ зыщегъасэ тренер цIэрыIуэ Винер Иринэ и центру Мэзкуу областым и Новогорск къалэм щыIэм, ауэ зэхьэзэхуэхэм щыхэтым деж Къэбэрдей-Балъкъэрым и ныпым щIоувэ. 

Псалъэм къыдэкIуэу, Кавказ Ищхъэрэм художественнэ гимнастикэмкIэ пашэныгъэр къыщыхьыным хуэунэтIауэ мы гъэм екIуэкIа зэпеуэм домбеякъ медаль къыщихьащ адыгэ пщащэ цIыкIум. Абы нэмыщI, ар хэтащ фокIадэм ирагъэкIуэкIа «Клубхэм я лигэ» зэхьэзэхуэ зэIухам. Топыр иIыгъыу абы утыкум къыщигъэлъэгъуахэм щхьэкIэ етIуанэ увыпIэр къратащ.
2024 гъэм и щэкIуэгъуэм зэхэта «Урысейм и гугъапIэхэр» къэралпсо зэхьэзэхуэм абы гу къыщылъитащ УФ-м щIыхь зиIэ и тренер Дьяченкэ Аннэ икIи хъыджэбз цIыкIу зэчиифIэр иригъэблэгъащ езым къызэригъэпэща турнирым хигъэтыну. Абы Елизаветэ къыщыфIащащ «Псоми къахэлыдыкI икIи утыкум екIуу ит гимнасткэ» цIэ лъапIэр. УФ-м и Кубокыр къэхьыным хуэунэтIауэ екIуэкIа зэхьэзэхуэми а цIэ дыдэр Махъсидэм къыщыфIищащ Винер Иринэ. 
Иджыпсту гимнасткэ ныбжьыщIэм зыхуегъэхьэзыр Кавказ Ищхъэрэмрэ Урысей Ипщэмрэ художественнэ гимнастикэмкIэ пашэныгъэр къыщыхьыным хуэунэтIауэ етIанэгъэ щIышылэм Къалмыкъым и къалащхьэ Элиста щекIуэкIыну зэIущIэм. 
Махъсидэ Елизаветэ и тренерыр Коротковэ Натальещ.

АЛБЕРДЫКЪУЭ Iэмин.

  • 11 просмотров

Поделиться:

ЧИТАТЬ ТАКЖЕ:

23.01.2025 - 15:59

Гъэ блэкIам кърикIуар

2024 гъэм къриубыдэу, республикэм и цIыхухэм газ зэрырикIуэ бжьамийхэм зыпащIэнымкIэ «Газпром межрегионгаз Нальчик» ООО-м лъэIу тхылъу 3752-рэ Iэрагъэхьащ.
23.01.2025 - 09:03

ГъащIэщIэм и хъумакIуэхэр

Къэбэрдей-Балъкъэрым и Перинатальнэ центрым иджыблагъэ къыщрагъэлащ мылъхуэсу дунейм къыщытехьа сабий цIыкIуитI.
23.01.2025 - 09:03

ХьэщIагъэрэ гуапагъэрэ кIэлъызэрахьэ

Къэбэрдей-Балъкъэрымрэ Къэзахъстанымрэ кикбоксингымкIэ я спортсменхэм я еджэныгъэ-зыгъэсэныгъэ зэхуэс Налшык къалэм щекIуэкIащ.
23.01.2025 - 09:03

Ставрополь къалэр къапоплъэ

Спорт хъыбархэр
22.01.2025 - 15:02

Къуажэдэсхэм я псэукIэр ирагъэфIакIуэ

«Къуажэхэм сыт и лъэныкъуэкIи зегъэужьын» къэрал программэм ипкъ иткIэ Къэбэрдей-Балъкъэрым и къалэхэмрэ щIыналъэхэмрэ щаухуэнущ социальнэ мыхьэнэ зиIэ IуэхущIапIэщIэхэр.