Урысей гвардием Къэбэрдей Балъкъэрым щиIэ управленэм иджыб­лагъэ Iуэху гуапэ щекIуэкIащ. Лъы щат республикэ станцым и ­дохутыр нэхъыщхьэ ЛъэнкIэпIашэ Русланрэ къудамэм и унафэщI Дудар Азэрэ «Урысейм щIыхь зиIэ и донор» цIэр зэрыфIащэм щыхьэт техъуэ тхылъ­хэр иратыжащ полицэм и капитанхэу Гъэунэ Аслъэнбийрэ Жэ­мыхъуэ Зауррэ. Абыхэм 40-м щIи­гъурэ лъы ятащ.
КъБР-м и Урысей гвардием и лэ­жьакIуэхэр жыджэру хэтщ лъы яты­ным теухуауэ къызэрагъэпэщ Iуэхухэм. ЩIыналъэ управленэм ­къулыкъу щащIэ «Урысейм щIыхь зиIэ и донор» цIэр зезыхьэ цIыхуи 4-м, ­ап­хуэдэуи лэжьакIуэ 20-м щIигъум, ­хабзэ яхуэхъуауэ, щIэх-щIэхыурэ лъы ят.
- Ди зэманым медицинэм хущхъуэ лIэужьыгъуэ куэд къыхыхьащ. Ауэ лъым и пIэкIэ къэбгъэсэбэп хъун абыхэм яхэткъым. Фи лэжьакIуэхэм хуэдэу гущIэгъу зыхэлъхэм я фIыгъэкIэ илъэс къэс цIыху мелуанхэм я гъащIэр дохутырхэм кърагъэл, - жиIащ  ЛъэнкIэпIашэ Руслан.