КъМР-ни Башчысы Казбек Коков Къабарты-Малкъар Республиканы  наркотиклеге къажау жаны бла комиссиясыны жыйылыуун бардыргъанды.  Анга къатышханла КъМР-де ич ишле министр Вячеслав Крючков этген билдириуге тынгылагъандыла.  Ол наркотиклени законсуз жюрютюлюулери бла байламлы тыш къыраллы инсанла бла профилактика иш къалай бардырылгъаныны эм ол жаны бла шёндю болумну юсюнден хапарлагъанды. Андан сора да «Мак-2024» ведомствола аралы оператив-профилактика операцияны кёрюмдюлери сюзюлгендиле эм быйылгъы жылда наркоманиягъа къажау программаланы чеклеринде наркотиклеге къажау муниципал комиссияла къаллай ишле бардыргъанларыны эсеплери тинтилгендиле, деп билдиреди  КъМР-ни Башчысыны бла Правительствосуну пресс-службасы.