КъМР-ни сюд приставлары «Ата журтну къоруулаучулары» фондну республикалы бёлюмюню келечилери бла  энчи аскер операциягъа къатышханлагъа болушлукъну кёбейтир амалланы сюзгендиле, деп билдиргендиле бизге ведомствону пресс-службасындан.
 Сюд приставланы федерал службасыны КъМР-де Управлениясыны башчысыны орунбасары Наталья Литовка, бегимлени толтурууну къурау жаны бла бёлюмню таматасы Вячеслав Хромов, кадрла хазырлау эмда  юйретиу иш жаны бла бёлюмню инспектору Мурат Шешев «Ата журтну къоруулаучулары» фондну филиалында къонакъда болгъандыла. Регион бёлюмню таматасы Муаед Дадов ала къаллай жумушла тамамлагъанларын билдиргенди. 
Тюбешиуде ведомстволаны араларында байламлыкъла не халда болгъанларына да къаралгъанды. Энчи аскер операциягъа къатышханланы иш бла жалчытыуну, аланы эмда юйюрлерини эркинликлерин бла законлу излемлерин сакълауну, къоруулауну юсюнден да сёлешиннгенди. Ёсюп келген тёлюню Ата журтха кертичиликге, Россейни тарыхына хурмет этерге юйретиуню мадарлары да сюзюлгендиле. 
Ахырында сюд приставла бла «Ата журтну къоруулаучулары» фонд бирге ишлерге келишгендиле.