Къэбэрдей-Балъкъэрым кIэртIофыр мы гъэ хуэбэгъуащ икIи Кавказ Ищхъэрэм СтатистикэмкIэ и управленэм къызэритамкIэ, 2024 гъэм жэпуэгъуэм и 1-м ирихьэIлэу республикэм и мэкъумэш, фермер, уней IуэхущIапIэхэм псоми зэхэту кIэртIоф тонн мини 144,1-рэ кърахьэлIэжащ. Нэгъабэ и апхуэдэ пIалъэм щыIа бжыгъэхэм нэхърэ ар процент 22-кIэ нэхъыбэщ.

КIэртIофу къайхъулIэм и куэдагъым кIуэ пэтми зэрыхэхъуэм и щыхьэтщ мы гъэм зы гектарым ику иту центнер 210-рэ къызэрытекIар, нэгъабэ жэпуэгъуэм и 1-м ирихьэлIэу щыIа бжыгъэхэр зэрыхъуар центнери 167,3-рэщ. 
Республикэм и щIыналъэхэм ящыщу кIэртIофыр нэхъыбэу щащIэр, щIы нэхъыби щрагъэубыдыр Дзэлыкъуэ (гектар мин 1,7-рэ), Прохладнэ (гектар мин 1,1-рэ), Тэрч (мин 0,9-рэ) районхэрщ. Псори зэхэту ди щIыналъэм кIэртIофыр зытращIэ щIым и процент 52-р а щым къалъос.

ХЬЭЩЫКЪУЕЙ Олег.