Къэрал кIуэцI IуэхухэмкIэ министр полицэм и генерал-лейтенант Ромашкин Игорь «Полицей дядя Стёпа» урысейпсо зэпеуэм и республикэ Iыхьэм щытекIуахэм яритащ фIы­щIэ тхылъхэмрэ саугъэтхэмрэ. Урысей МВД-м и щIы­налъэ IэнатIэхэмрэ абы-хэм ядэ­лажьэ жылагъуэ ­советхэмрэ зэщIыгъуу илъэс къэс ирагъэкIуэкI урысей­псо зэпеуэр хуэу­нэтIащ полицэм и лэ­жьы­гъэм и мы­хьэнэр цIыху­хэм зыхегъэщIэным.
Мы гъэм зэпеуэр хуэ­-гъэп­сат Хэку зауэшхуэр текIуэныгъэкIэ зэриухрэ 2020 гъэм илъэс 75-рэ зэрырикъум.
«Полицей дядя Стёпа» ­зэпеуэм и щIыналъэ Iы-хьэм щытекIуащ Дзэлы­къуэ ­къуажэм дэт курыт еджапIэ №5-м и 5-нэ классым щеджэ Уэзро­къуэ Амир.
ЕтIуанэ увыпIэр хуагъэ­фэщащ Красноармейское ­къуажэм дэт курыт еджапIэм и 8-нэ классым ще­джэхэу Байрагдаров Мавлюдрэ Алиев Махаддин­рэ. Ещанэ увыпIэр лъысащ Бахъсэн къалэм дэт курыт еджапIэ №3-м и еплIанэ классым щIэс Шорэ Ренат.
«За оригинальность исполнения» саугъэт щхьэ­хуэр хуагъэфэщащ зэпеуэм хэ­тахэм я нэхъыщIэ дыдэ, ­Прохладнэ къалэм щыщ Шрамковэ Дарье (илъэси 5).
Зэпеуэм щытекIуахэмрэ абы и лауреатхэмрэ ехъуэ­хъуащ, къэрал кIуэцI Iуэху­хэмкIэ министру КъБР-м щыIэ полицэм и гене­рал-лейтенант Ромашкин Игоррэ МВД-м и Жыла­гъуэ советым и тхьэмадэ Балъкъыз Валерэрэ. ФIы­щIэ хуащIащ зэпеуэм хэта ныбжьыщIэхэм я адэ-анэ­хэм.