Бахъсэн къалэ гъуэгухэр зэрагъэпэщыж

12 ноября, 2024 - 06:16

Бахъсэн къалэм щIыпIэ унафэр щызехьэнымкIэ и IуэхущIапIэм и мылъкукIэ 2024 гъэм гъуэгухэр щызэрагъэпэщыжыным щыпащэ. Абы къыдэкIуэу къалэм щекIуэкI зэхъуэкIыныгъэхэм гу лъумытэнкIэ Iэмал иIэкъым: гъуэгухэр хэпщIыкIыу йофIакIуэ, цIыху зэхэзекIуапIэхэмрэ машинэ зэхэзежапIэхэмрэ дамыгъэ зэмылIэужьыгъуэхэмрэ техникэ IэмалхэмкIэ зэщхьэщагъэкI, лъэс лъагъуэхэр нэхъыбэ мэхъу. А лэжьыгъэр мы гъэми щIэгъэхуэбжьауэ йокIуэкI. Апхуэдэу лъэпкъ пэхуэщIэм ипкъ иткIэ зэрагъэпэщыж Бахъсэн къалэм Буденэм и цIэр зезыхьэ уэрамымрэ Лениным и цIэр зызехьэ уэрамышхуэмрэ зэпызыщIэ гъуэгур.
Гъуэгур цIыхушхуэ щызэхэзекIуэ щIыпIэхэм хеубыдэ. Километр ныкъуэ зи кIыхьагъ, метрих зи бгъуагъ гъуэгур цIыхухэр нэхъыбэу щызэхуэс IуэхущIапIэхэм йокIуалIэ: сабий гъэсапIэм, курыт еджапIэм, сымаджэщым, мэжджытым. Абы къыхэкIыу, гъуэгур зыхуей хуэгъэзэныр цIыхум и шынагъэншагъэр къызэзыгъэпэщ IэнатIи мэхъу.
Мысыхьэтым гъуэгум телъ асфальт къилъэлъар трахащ. Ар хуагъэхьэзыр тIуащIэу зэтелъ асфальтобетон зэрытралъхьэнум. Гъуэгуухуэхэм зэрыжаIэмкIэ, гъуэгум дяпэкIэ зэпрыкIыпIэхэмрэ зэблэкIыпIэхэмрэ яхуэфащэ нагъыщэхэмкIэ къыхагъэщынущ, гъуазэхэр гъуэгущхьэхэм трагъэувэнущ, лъэс лъагъуэхэр яукъуэдиинущ, уэздыгъэ пкъохэр хатIэнущ, автомашинэ гъэувыпIэхэр щIыпIэ зыбжанэм щаухуэнущ.
Кърахьэжьа Iуэхум епха лэжьыгъэ псори зэфIагъэкIыну щытраухуар мы мазэм и кIэхэращ. Мысыхьэтым екIуэкI къэпщытэныгъэхэр гъуэгуухуэхэм хуагъэува пIалъэм иту зэрагъэпэщ, ухуэныгъэм къигъэув мардэхэр ягъэзащIэ.
 

 

ШУРДЫМ Динэ.

  • 19 просмотров

Поделиться:

ЧИТАТЬ ТАКЖЕ:

15.03.2025 - 12:25

Гъуэзыпшэ вагъуэхэр

Къэрал куэдым къыщыдэкI Nature щIэныгъэ журналым иджыблагъэ къытехуащ США-м и Калифорние штатым щыIэ еджапIэ нэхъыщхьэхэм ящыщ зым щылажьэ астрономхэм ди Галактикэм (Шыхулъагъуэм) и кум алъандэрэ з
15.03.2025 - 09:03

1942 гъэм и гъэмахуэм

Хэку зауэшхуэм и илъэсхэм 115-нэ Къэбэрдей-Балъкъэр шуудзэм хэту хэкIуэдахэм я фэеплъыр - сэшхуэкIэ танкхэмрэ топхэмрэ япэщIэува шууей псэемыблэжыр - Налшык къалэм зэ къыдыхьам и нэгум къыщIонэ.
15.03.2025 - 09:03

ЛIэщIыгъуэм щхьэдэхащ

Урысейм и Уголовнэ-гъэзэщIакIуэ IэнатIэм и лэжьакIуэхэм гъатхэпэм и 12-м ягъэлъапIэ я махуэр.
14.03.2025 - 09:12

ПсэукIэр егъэфIэкIуэнымкIэ ухуэныгъэхэр

КъБР-м и Iэтащхьэ КIуэкIуэ Казбек ухуэныгъэм, коммунальнэ инфраструктурэр къэгъэщIэрэщIэжыным, абы ипкъ иткIи «ПсэукIэр егъэфIэкIуэнымкIэ ухуэныгъэхэр» лъэпкъ проектыщIэр гъэзэщIэным теухуа зэIущIэ
14.03.2025 - 09:11

Псалъэмакъ щхьэпэ

КъБР-м и Парламентым и депутатхэр, «Къэрал сы­хьэтым» хыхьэу, яIущIащ Налшык къалэм предмет щхьэхуэхэр нэхъ куууэ щрагъэдж, Пушкин Александр и цIэр зезыхьэ курыт школ №5-м и 11-нэ классхэм щIэсхэм.