УФ-м Къэрал кIуэцI IуэхухэмкIэ и IэнатIэхэм я лэжьакIуэм и махуэм ирихьэлIэу, Урысей МВД-м и Прохладнэ къудамэм балигъ мыхъуахэм я IуэхухэмкIэ и инспекторхэр, районым Ветеранхэм я советым и лIы­кIуэхэу милицэм и подполковникхэу Савинов Александррэ Каджаев Джафаррэ ящIыгъуу, къызэрагъэпэщри ныбжьы­щIэ­хэм Прохладнэ къалэм дэт тхыдэ-лъахэдж музейм зыщрагъэплъыхьащ. 
А Iуэхум хэтащ къудамэм дэлажьэ Жылагъуэ советым щыщ Клюй Андрей, «Пэрытхэм я зэщIэхъеенныгъэ» сабийхэмрэ щIалэгъуалэмрэ я урысейпсо зэгухьэныгъэм хэтхэмрэ волонтерхэмрэ. Абыхэм ирагъэлъэгъуащ урысей полицэм и тхы­дэмрэ и зыужьыныгъэмрэ траухуа стендхэр. 
- Къэрал кIуэцI IуэхухэмкIэ IэнатIэм и лэжьакIуэхэр лIыгъэ зыхэлъ цIыху лъэщхэщ, хабзэмрэ пэжыгъэмрэ, гъащIэмрэ цIыхум и хуитыныгъэмрэ, къэралымрэ жылагъуэмрэ яфI зыхэлъыр зыхъумэхэщ, - къыхигъэщащ Савинов А. 
Илъэс 14 ирикъуа ныбжьыщIэхэм мыбдежым гуапэу щратащ Урысей Федерацэм и паспортхэр. 
ЗэIущIэм и кIэухыу ныбжьы­щIэхэм фIыщIэ хуащIащ езыгъэблэгъахэм, ялъэгъуар къа­-   зэ­рыщыхъуам теухуауэ зэпсэ-   лъащ. 

БАХЪСЭН Ланэ.