Къэбэрдей-Балъкъэрым и школакIуэхэри хэтщ «Дорожные талисманы» Iуэхум. 
Республикэм щекIуэкI  «Засветись - стань заметнее на дороге!» лэжьыгъэм  хыхьэу   автоинспекцэм  и лэжьакIуэхэмрэ Урысей МВД-м и «Бахъсэн»  къудамэм    балигъ мыхъуахэм я IуэхухэмкIэ и инспекторхэмрэ, Сабий творчествэмкIэ центрым и унафэщI  Зеущэ Алёнэ,  «Движение первых»  зэщIэхъееныгъэм и лIыкIуэхэу  Къардэн Мадинэрэ Дыгулыбгъу Лянэрэ ящIыгъуу,  курыт еджапIэхэу №3-м,  №5-м щIэсхэм, апхуэдэуи  Бахъсэн къалэм Сабий творчествэмкIэ и центрым  екIуалIэхэм драгъэIуэкIащ гъуэгум шынагъуэншэу щызекIуэным хуэгъэпса   дерсхэр.   
ХьэщIэхэм сабийхэр хуаущиящ      дэтхэнэ лъэсырыкIуэри зытетын хуей хабзэхэм. ЖраIащ   машинэ зекIуапIэхэм и гъунэгъуу ущыджэгуныр зэрышынагъуэр,  къэувыIа машинэхэм я кум удэкI зэрымыхъунур, сабийхэм ящIапхъэ нэгъуэщIхэми.        
Полицейхэм  кIыфIыгъэм къыхэцIыукI    пкъыгъуэхэр сабий щыгъыным хегъэубыдауэ щытыным мыхьэнэуэ иIэм, рулым дэсхэм    абы и фIыгъэкIэ   и чэзум  гу къызэрылъатэр гъуэгум  зэпрыкIым.    
Iуэхум и кIэухыу  къызэгъэпэщакIуэхэм  школакIуэхэм иратащ кIыфIым къыщы дмыгъэхэмрэ шынагъуэншэу гъуэгум узэрытетын    чэнджэщхэр зэрыт тхылъхэмрэ. 

БАХЪСЭН Ланэ.