КъБР-м и Парламентым и УнафэщI Егоровэ ­Татьянэ республикэм и хабзэубзыху орган ­нэхъыщхьэм и Президиумым и зи чэзу зэIущIэ иригъэкIуэкIащ. Абы Iуэхугъуэ 20-м нэблагъэм щыхэплъащ.
 
Депутатхэр тепсэлъыхьащ «КъБР-м и сату щIа­пIэхэм я лэжьыгъэр къызэрызэрагъэпэ-        ­щым теухуауэ» КъБР-м и Законым и Iыхьэ 10-нэ, 20-хэм зэхъуэкIыныгъэхэр хэлъхьэным и Iуэху-      кIэ» республикэ законым и проектым. Ар ягъэ­хьэ­зыращ «УФ-м уасэхэр къыщыIахкIэ къэ­зып­щы-     тэ Iэмэпсымэхэр къызэрагъэсэбэп щIы­кIэр» Федеральнэ законым и Iыхьэ 2-м зэхъуэ­- ­кIы­ныгъэхэр хэлъхьэным теухуауэ» федеральнэ закон №273-ФЗ-мрэ «УФ-м и Лэжьыгъэ кодексым зэ­хъуэкIыныгъэ етынымрэ хьэпшып щапIэхэмрэ ­ятеухуауэ» Федеральнэ законымрэ къызэращтам ипкъ иткIэ. 
КъищынэмыщIауэ, зэIущIэм щыхэплъащ ­«КъБР-м и зыгъэпсэхупIэхэм я лэжьыгъэм теу­хуауэ» КъБР-м и Законым зэхъуэкIыныгъэхэр хэлъхьэным и IуэхукIэ» законопроектым. Мы ­дэф­­тэрри ягъэхьэзыращ «УФ-м и туризмэм и ­лъабжьэм теухуауэ» Федеральнэ законым зэ-хъуэ­кIыныгъэхэр хэлъхьэным ехьэлIауэ» закон №143-м­рэ а закон дыдэм зыплъыхьакIуэхэр къезышэкI­хэм, гид-зэдзэкIакIуэхэм, гъэ­­­са­кIуэ-гъуэ­гугъэлъагъуэхэм я лэжьыгъэм ехьэлIауэ ­хаб­зэр егъэфIэкIуэным хуэгъэза и Iыхьэ 2-мрэ къы­зэращтам къыхэкIыу. 
Дэфтэрхэр зыхуэфащэ IуэхущIапIэхэм иратащ хэплъэу, я Iуэху еплъыкIэ къагъэлъэгъуэн е ды­щIагъун яIэмэ къыхалъхьэн папщIэ.
Депутатхэр тепсэлъыхьащ юридическэ дэIэпы­къуныгъэр пщIэншэу зэрыратым, къэралым щып­сэухэм зыкъызэрыхуагъазэм зэрыхэплъэ щIыкIэм, «Лэжьыгъэм и ветеран» цIэр зэрыфIащым, сабий зеиншэхэмрэ адэ-анэм я нэIэм щIэмытхэмрэ зэ­рызыщIагъакъуэ Iэмалхэм зэрыхагъэхъуэнум, ве­теринарием ятеухуа федеральнэ законхэм. Ап­хуэдэуи ахэр къытеувыIащ УФ-м Административнэ хабзэхэр къызэпемыгъэудынымкIэ и кодексымрэ Налог кодексымрэ хэлъхьапхъэ зэхъуэкIыныгъэхэм. 
Мыхьэнэшхуэ зэриIэр къалъытэри, депутатхэм Красноярск щIыналъэм и Законодательнэ Зэхуэсым даIыгъащ «Сабий зеиншэхэмрэ адэ-анэм я нэIэм щIэмытхэмрэ къэралым зэрызащIигъакъуэ Iэмалхэм дыщIыгъуным теухуауэ» Федеральнэ законым и Iыхьэ 10-мрэ «УФ-м юридическэ дэIэпыкъуныгъэр пщIэншэу къызэрыщызэрагъэпэщ щIыкIэм ехьэ­лIауэ» Федеральнэ законым и Iыхьэ 20-м зэхъуэ­кIыныгъэхэр хэлъхьэнымрэ» хуэгъэзауэ къигъэлъэгъуа жэрдэмхэр.
КъБР-м и Парламентым Мэкъумэш IуэхухэмкIэ, щIыуэпсыр къэгъэсэбэпынымкIэ, экологиемрэ дыкъэзыухъуреихь дунеймкIэ и комитетым и унафэщI ТекIушэ Артур депутатхэр щигъэгъуэзащ Къэбэрдей-Балъкъэрым и ветеринарие IэнатIэмрэ абы еп­-ха IуэхущIапIэхэмрэ я лэжьыгъэм ехьэлIауэ Пар­ламентым и Президиумым къищта унафэхэр зэрагъэзащIэм. 
ЗэIущIэм арэзы щытехъуащ КъБР-м и Парламентым и ЩIыхь тхылъкIэ республикэм и лэжьакIуэ па­жэ зыбжанэ зэрагъэлъэпIэнум.

КъБР-м и Парламентым и
 пресс-IуэхущIапIэ.