Право низамны сакълаучу органлада къуллукъларын толтура жан бергенлени эсде тутууну кюню бла байламлы Къабарты-Малкъар Республиканы Башчысы К.В. Коковну чакъырыу сёзю

Къабарты-Малкъарны хурметли жамауаты!

13 октябрь – Къабарты-Малкъарны шёндюгю тарыхында жарсыулу кюнлеринден бириди. Ол кюн республиканы ара шахарында болгъан терактда   жууукъларын тас этгенлеге бушуу эте, право низамны сакълаучу эм кюч структураланы къуллукъчуларыны жигитликлерине, ала борчларына ахыр солууларына дери кертичи къалгъанларына,  жашауларын аямай бизни боевикледен къоруулагъанларына хурмет этебиз. Ала ёмюрлеге эсибизде къаллыкъдыла. 

Терроризмни ариуларгъа, башын жулургъа бир тюрлю сылтау да жокъду. Аны хорлар ючюн а, хар бирибиз къолдан келгенни этерге керекбиз. Шёндюгю заманда ол аман ниетли душманнга барыбыз да бирча къажау турургъа, ол жашау магъаналы болгъанын ангыларгъа, бизни Президент Владимир Владимирович Путин тёрели хазнабызны, маданият-тарых байлыгъыбызны сакълауну магъаналылыгъын  терен сезерге борчлубуз. 
Къабарты-Малкъарны келир кюнюне, сабийлерибизни къадарына жарсыгъанла  барыбыз да биригип, ол къужур ишлени бизни жашауубузгъа сингдириуден къоруулаяллыгъыбызгъа, жангы къоркъуулагъа тийишли жууап бераллыгъыбызгъа, туугъан республиканы алгъа барыуун жалчыталлыгъыбызгъа ишексизме.