ЛIыгъэ щIапIэр ящремыгъупщэ

14 октября, 2024 - 07:09

КъБР-м и Iэтащхьэ КIуэкIуэ Казбек хэтащ Хэку зауэшхуэм и лъэхъэнэм хабзэхъумэ органхэм ящыщ зауэлIхэм Шэджэм райо­ным щызэрахьа лIыгъэм и щIыхькIэ ягъэува фэеплъыр къыщызэIуаха дауэдапщэм. 

Фэеплъыр къыщызэIуахым, КIуэкIуэ Казбек къыхигъэщащ совет сэлэтхэм я ­лIыгъэр цIыхухэм я гум къинэным мыхьэ­нэшхуэ зэриIэр. «Ди адэшхуэхэмрэ абыхэм я адэжхэмрэ я пщIыхьэпIи къыхэхуакъым мы къэралым и бынхэу езыхэм я къуэхэмрэ я ­къуэрылъхухэмрэ щIэрыщIэу нацизмэмрэ фашизмэмрэ пэщIэувэжын хуей хъуну. Ди щIалэхэр нобэ зы унагъуэм къикIа зэкъуэш­хэм хуэдэу Урысейм и къэкIуэнум къыщ­хьэ­щыжу мэзауэ. Шэч къытесхьэркъым Те­кIуэныгъэ махуэр  къызэрысынум.  ИугъащIэ Хэкур зыхъумахэм!»
Фэеплъ дауэдапщэм хэтащ УФ-м Къэрал кIуэцI IуэхухэмкIэ и министерствэм и Уп­равленэ нэхъыщхьэу КИФЩI-м щыIэм и унафэщI Бачурин Сергей, УФСБ-м КъБР-м щиIэ къудамэм и унафэщI Громушкин Пётр, КъБР-м къэрал кIуэцI IуэхухэмкIэ  министру щыIэ Крючков Вячеслав, щIыпIэ самоуправленэхэм я унафэщIхэр, Къэрал кIуэцI IуэхухэмкIэ министерствэм и лэжьа-кIуэ гупыр. ХьэщIэ лъапIэу зэIущIэм кърагъэблэгъащ илъэс 98-рэ зи ныбжь, Хэку зауэшхуэм и ветеран Караганов Николай Ва­силий и къуэр. 
1942 гъэм и фокIадэм щегъэжьауэ, совет сэлэтхэр хахуэу япэщIэтащ Кавказ къурш-хэм зыщызыудыгъуа фашист зэрыпхъуа­кIуэхэм. ЩэкIуэгъуэм Орджоникидзе дэт дзэ училищэм и курсант 60-м, Коломин Г., Калашин С. офицерхэм я унафэ щIэту, бийм и машинэ чырэр зэтракъутэри, фашист лъэсыдзэм щыщу сэлэти 100 яукIауэ щытащ. Къалэн къыщащIар ягъэзэщIат абыхэм икIи зэрахьа лIыгъэр Армэ Плъыжьым Кавказыр хуит ищIыжыным хэлъхьэныгъэшхуэ хуэ­хъуащ. 
Фэеплъ блыныр ягъэувыныр я жэрдэмщ УФ-м Къэрал кIуэцI IуэхухэмкIэ и министерст­вэм и Управленэ Нэхъыщхьэу КИФЩI-м щы­Iэм и къулыкъущIэхэмрэ лэжьакIуэхэмрэ. Ахэ­ращ фэеплъым удз гъэгъахэр тезылъхьэу  зауэм хэкIуэда нэхъыжьхэм щыму дакъикъэкIэ яхуэщыгъуар. 
КъБР-м и Iэтащхьэ КIуэкIуэ Казбек полицэм и генерал-полковник Бачурин Сергей фIыщIэ хуищIащ Хэку зауэшхуэм и фэеп­лъыр Къэбэрдей-Балъкъэрым ща­гъэувы­ныр ягу къызэрыкIам папщIэ, щIыналъэм гулъытэ зыхуащIыпхъэ щIыпIэ цIэрыIуэу итхэр цIыхухэм ящымыгъуп­щэжын хуэдэу.

  • 27 просмотров

Поделиться:

ЧИТАТЬ ТАКЖЕ:

11.08.2026 - 14:52

Бзур зыIэтыр дамэщ, цIыхур зыIэтыр акъылщ

Журт Хьэсэн 1961 гъэм Зэрэгъыж къуажэм къыщалъхуащ. Курыт школыр къиуха нэужь, КъБКъУ-м и математикэ факультетым щеджащ. Хъы­барегъащIэ IэмалхэмкIэ IуэхущIапIэ зыбжанэм Iутащ.
11.08.2026 - 10:45

Дэрэжэгъуэр хьэщIэхэм къызэпаудащ

«Спартак-Налшык» (На­л­шык) - «Ростов-2» (Дон Iус Ростов) - 0:3 (0:1). Налшык. «Спартак» республикэ стадион. ШыщхьэуIум и 8-м. ЦIыху 648-рэ еп­лъащ. 
11.08.2026 - 09:57

ХэкIыпIэхэмрэ Iэмалхэмрэ яубзыху

КъБКъУ-м и медицинэ академием щекIуэкIащ лышх узыфэм, ар зыпкърыт сымаджэхэм ягъуэтын хуей дэIэпыкъуныгъэм теухуа япэ щIыналъэзэхуаку щIэ­ныгъэ-практикэ конференцэ.
10.08.2026 - 14:25

Темыркъаным и пшыхьхэр

КъБР-м и Музыкэ къэрал театрым мы махуэхэм щызэхуащIыжащ симфоние музыкэмкIэ «Темыркъаным и пшыхьхэр» фестивалыр.
10.08.2026 - 10:57

ХъугъуэфIыгъуэ куэ­дым я гъэтIылъыпIэ

Ди фIыр дымыгъэпудыну, ди Iейр дымыгъэпщкIуну илъэс пщIы бжыгъэ зыбжанэ хъуауэ дыкъыхуезыджэ икIи къыдэущие «Адыгэ псалъэ» газетым и мин 25-нэ къыдэкIыгъуэр ­дунейм къытехьакIэщ.