«Эльбрус» курорт Россейни бек иги тау-лыжа курорту деген ат ючюн эришиуге къатышады. Ол «Россейни таулары» деген миллет саугъаны чеклеринде бардырылады. 

КъМР-ни Башчысы Казбек Коков кесини телеграмында бизни барыбызны да анга горыроссии.рф деген платформада къол кётюрюрге чакъырады. 
Битеу да бу конкурсха къыралны 8 уллу регионундан 379 турист объект къатышадыла. Аслам заявка уа Кавказдан, Сибирьден эм къыралны къыбыла жанындан берилгенди. 
Алай бла кесибизни курортубуз ючюн 15 октябрьге дери къол кётюрюр онг барды. Аны ючюн номинациялада «Шимал Кавказны бек иги тау-лыжа курорту» деген къауумгъа кирип, анда «Эльбрус» курортну табып, белгилеп эм энишгерекде «къол кётюрюрге» деген белгиге басаргъа керек боллукъду. Ызы бла,  ол сайлауну бегитир ючюн, система сизден излеген электрон почтагъызны бла телефон номеригизни жазаргъа керексиз. Сора почтагъа келген письмогъа жууап берирге борчлусуз. Жаланда андан сора санарыкъды ол сизни сайламыгъызны. 

Таппасханланы Аминат.