«Географиер МЫдерсу» («НЕурок географии») Iуэху гъэщIэгъуэныр иджыблагъэ щекIуэкIащ Шэрэдж щIыналъэм. Проект щIэщыгъуэр Урыс географие зэгухьэныгъэм къызэригъэпэщащ «Гуэл ЩхъуантIэхэм телъыджэу яхэлъыр» нэгузыужь Iуэхум щыщу. А щIыпIэ дахэм зып­лъы­хьакIуэ яшащ Белгород областым щыщ сабийхэр.

Ахэр ди республикэм щохьэщIэ КъБР-м и Iэтащхьэ КIуэкIуэ Казбек къригъэблэгъауэ. Гуэл щхъуантIэхэм хуэкIуэ гъуэгум тетыху, хьэщIэ ныбжьыщIэхэр щагъэгъуэзащ Шэ­рэдж щIыналъэм и щIыуэпсым, абы щыIэ щIыпIэ дахэхэм, хабзэрэ щэнхабзэу щызе­кIуэхэм. Шэрэдж щIыналъэм и админист­рацэм и лэжьакIуэхэр гуапэу къаIущIащ зыплъыхьакIуэхэм. Ахэр къафэрэ джэгукIэ ирагъэблэгъащ, республикэм щапщэфI шхыныгъуэхэр Iуагъэхуащ. 
- Ди гуапэщ Белгород щыщ сабийхэр ди щIыналъэ дахэм къызэреблэгъар. Нобэ щIы­уэпсым и дахагъэу я нэгум щIэкIыр абы­хэм куэдрэ ягу къэкIыжынущ, - жиIащ щIыналъэм и унафэщIым и къуэдзэ Ефэнды Тарезэ. 
ГЪУЭТ  Синэ.