«Эльбрус» «Россейни таулары» деген миллет премиягъа къатышады.  Кесин «Россейде бек иги тау-лыжа курорт», «Россейде юйюр бла солургъа бек иги тау-лыжа курорт» эмда «Эсде къаллыкъ кезиуле кёп болгъан тау-лыжа курорт»  деген бёлюмледе кёргюзтеди.
Эришиуге  сегиз региондан битеу да 379 объект  къатышады – уллу комплекследен башлап глэмпинглеге дери да. Барысындан да кёп заявка Шимал Кавказны, Сибирьни бла къыралны Къыбыла жаныны регионларындан жиберилгендиле.
 Конкурсну мураты – тау-лыжа туризмни айнытыуду эмда таулада  солууну тап къурауду. Ол  «Туризм эмда къонакъбайлыкъ» миллет проектни социал магъаналы проектлеринден бириди. Аны Тау-лыжа индустрияны эмда туризмге жараулу тийрелени айнытыуну арасы къурайды. 
«Эльбрусну» сайлагъанла аны ючюн «Россейни таулары» миллет премияны платформасында (горыроссии.рф) 15 октябрьге дери къол кётюрюрге боллукъдула.