Сюд приставланы федерал службаларыны регионда управенияларында кёп жылланы къуллукъ этген инсанланы пенсиягъа хурмет бла ашыргъан ахшы тёреге айланнганды.

Бу кюнледе уа пенсиягъа Элбрус  районда бёлюмню сюдле ишлерин бардыргъанда, низамны жалчытыугъа жууаплы ич службаны кичи лейтенанты Абдуллаланы Камал чыкъгъанды. Кёп жылланы бет жарыкълы уруна, ол жаш приставлагъа иш кёллюлюкню, жууаплылыкъны, адамлыкъны юлгюсюн кёргюзтгенди. Ишчи нёгерлери анга ыразылыкъларын билдире, эсде къалырча саугъа да бергендиле. Абдулла улу уа ишинде тенглерин юйюрюню келечилерине кёргенин, ала аны жашауунда уллу магъананы тутханларын белгилегенди.