|
|
Тежеуле эмда насийхатла
10 августа, 2024 - 09:30
Россейни МЧС-ини вузларында окъууларын жетишимли бошап, республикабызгъа беш специалист келгендиле. Ала бла ведомствону Баш управлениясыны таматасыны къуллугъун болжаллы халда толтургъан полковник Аналаны Мухаммат тюбешгенди.
Жаш офицерлени урунуу жолларын башлагъанлары бла алгъышлап, Мухаммат Азретович от тюшюуге къажау федерал службаны келечилерине къаллай борчла, жууаплылыкъ да салыннганыны, Къабарты-Малкъарда къуллукъ этиуню энчиликлерини юслеринден айтханды. «Управленияда усталыгъыгъызны ёсдюрюрча, ишни болушун ангыларча, сизге ышанылгъан жумушланы тынгылы толтурурча мадарла да этилликдиле, ол санда юйрениуле да боллукъдула», - дегенди ол.
Управленияны юйретиу иш эм улутхачылыкъгъа къажау кюреш бардырыу жаны бла бёлюмюню башчысы Анзор Хавпачев а социал-политика болум бла шагъырейлендиргенди, аланы жашау журтла бла жалчытыуну, страхование этиуню, иш хакъларыны юсюнден айтханды.
Ал кезиуледе жаш специалистлеге уа сынамлы ишчиле кёз-къулакъ болгъанлай турлукъдула.
 |
11.09.2024 - 09:03 Бизни къыралда нодулярный неда, башхача айтханда, узелковый дерматитден ауругъан малла биринчи Чеченде белгиленнгендиле. |
 |
11.09.2024 - 08:55 Къабарты-Малкъарны футболдан федерациясы «Спартак» стадионда футболдан республиканы Башчысыны кубогуна матчла бардыргъанды. Бу эришиу жыл сайын тёрели халда къуралады. |
 |
11.09.2024 - 08:54 Санкт-Петербургну «Арена» арасында боксдан эр кишилени араларында «Динамо» обществону саугъаларына битеуроссей эришиу къуралгъанды. |
 |
11.09.2024 - 08:53 1925 жылда Владикавказда бардырылгъан Шимал Кавказны халкъларыны биринчи миллет спартакиадаларына Къабарты-Малкъарны, Осетияны, Ингушетияны, Чеченни спортчулары къатышхандыла. |
 |
10.09.2024 - 09:07 Кёп болмай Россейни Правительствосуну Председателини орунбасары Дмитрий Патрушев къыралны агропромышленный комплексинде болумгъа жораланнган кенгеш бардыргъанды. |
|
