|
|
Тарых кюнлеге аталгъан жолоучулукъ
10 августа, 2024 - 07:24
Орус география обществону Башкирияда, Оренбург областьда бла Къабарты-Малкъарда бёлюмлерини келечилери Кавказны тёрт таууна Мустай Карим, Алим Кешоков атлы бийиклеге, Кестынтаугъа бла Атсыз (Безымянная) къаягъа ёрлегендиле, деп билдиредиле Къабарты-Малкъарны Курортла эм туризм министерствосундан.
Аланы биргелерине республиканы альпинизм, таулагъа ёрлеу эм спорт туризмден федерациясыны вице-президенти Гумаланы Борис бла инструктор Александр Черинько болгъандыла. Мустай Каримни атын жюрютген бийикликде ала шайырны назмуларын ариу окъуп эришгендиле, Башкъортостанны картасын жыйышдыргъандыла, Кавказны юсюнден географиядан устаз Рита Ялаеваны сорууларына жууапла бергендиле. Бек башы уа къонакъла бери жазыучуну туугъан эли Кляшеводан жерни келтиргендиле.
Башкъортостан Республиканы Къырал Жыйылыуу Курултайны депутаты Акмуллин университетни ректору Салават Сагитов белгилегенича, Мустай Карим атлы таугъа быйыл эм кёп адам чыкъгъанды, сора «Шайырланы жолу» проектни бла Орус география обществону ишин жамауатха билдириуде бу жолгъу экспедицияны программасы бай эм сейир болгъанды.
Шайырны аты берилген таугъа Орус география обществону келечилери 2017 жылдан бери ёрлейдиле. Бу жол а ала жолоучулукъларын обществону Башкъортостанда бёлюмю ачылгъанлы 70, Мустай Карим туугъанлы 105 эм Уфа шахаргъа 450 жыл толгъанына жоралагъандыла. Тарых магъаналы кюнлеге аталып анда байракъланы да орнатхандыла.
 |
11.09.2024 - 09:03 Бизни къыралда нодулярный неда, башхача айтханда, узелковый дерматитден ауругъан малла биринчи Чеченде белгиленнгендиле. |
 |
11.09.2024 - 08:55 Къабарты-Малкъарны футболдан федерациясы «Спартак» стадионда футболдан республиканы Башчысыны кубогуна матчла бардыргъанды. Бу эришиу жыл сайын тёрели халда къуралады. |
 |
11.09.2024 - 08:54 Санкт-Петербургну «Арена» арасында боксдан эр кишилени араларында «Динамо» обществону саугъаларына битеуроссей эришиу къуралгъанды. |
 |
11.09.2024 - 08:53 1925 жылда Владикавказда бардырылгъан Шимал Кавказны халкъларыны биринчи миллет спартакиадаларына Къабарты-Малкъарны, Осетияны, Ингушетияны, Чеченни спортчулары къатышхандыла. |
 |
10.09.2024 - 09:07 Кёп болмай Россейни Правительствосуну Председателини орунбасары Дмитрий Патрушев къыралны агропромышленный комплексинде болумгъа жораланнган кенгеш бардыргъанды. |
|
