КъБР-м и Звёзднэ поселкэм щыIэ, Урысей гвардием и дзэ частым щекIуэкIащ щIэблэщIэм дзэ тхьэрыIуэ ятыным хуэщIа Iуэху гуапэ. Хэкум хуэпэжыным теухуа псалъэ быдэ жаIащ Къэбэрдей-Балъкъэрым, къэралым и адрей щIыналъэхэм щыщу цIыхуи 100-м щIигъум.

Абы кърихьэлIащ полкым и унафэщIым дзэ-политикэ лэжьыгъэмкIэ и къуэдзэ Беляев Сергей, Урысей гвардием и щIыналъэ управленэм и Ветеранхэм я советым и тхьэмадэ Хужьокъуэ Руслан, дзэ къулыкъур езыхьэкIхэр, апхуэдэуи дзэм ираджахэм я Iыхьлыхэр.
Iуэхур зэтраублащ Урысей Федерацэм и къэрал ныпым-рэ полкым и бэракъымрэ утыкум щаIэту. ЩытыкIэ гуапэм иту, зыр адрейм кIэлъыкIуэу дзэм ираджэхэм жаIащ зауэлIымрэ хэкупсэмрэ я дежкIэ нэхъыщхьэ, Хэкум хуэпэжынымкIэ тхьэрыIуэ псалъэхэр.
- Мы Iуэхур фэ фщыщ дэтхэнэм дежкIи фи гъащIэм мыхьэнэшхуэ щызиIэхэм язщ. Си гуапэщ фи тхьэрыIуэм фыхуэпэжу, пщIэрэ щIыхьрэ иIэу цIыхубэмрэ ди къэралымрэ я сэбэп зыхэлъхэм тещIыхьауэ фи къулыкъур ефхьэкIыну», - жиIащ Хужьокъуэ Руслан.