Социальнэ лэжьакIуэ нэхъыфIыр къыхахащ

1 августа, 2024 - 06:03

Урысей ФСИН-м и Управленэу КъБР-м щыIэм щызэхалъхьэжащ уголовнэ-гъэзэщIакIуэ IэнатIэм тезырхэр щагъэзэкIуэж и IуэхущIапIэхэм я социальнэ лэжьакIуэхэм папщIэ ирагъэкIуэкI урысейпсо еплъыныгъэ-зэпеуэм и щIыналъэ Iыхьэм кърикIуахэр. Абы хэтащ социальнэ IуэхухэмкIэ IэщIагъэлI нэхъыжьхэр, социальнэу хъумэнымрэ лэжьыгъэ стаж учетымкIэ гупхэм я инспекторхэр. 

Зэхьэзэхуэр ирагъэкIуэкIащ я лэжьакIуэхэр я IэщIагъэм зэрыхуэIэижьыр ирагъэфIэкIуэн, УИС-м и социальнэ къулыкъум и пщIэр Iэтын, нэхъ лъэщхэр къыхэхын мурадкIэ. Абыхэм я къалэнхэм хохьэ суд зытращIыхьахэм я социальнэ зэпыщIэныгъэхэр зэфIэгъэувэжынымкIэ, хуит хъужа иужькIэ лэжьыгъэкIэ, пенсэкIэ къызэгъэпэщынымрэ зыхуеину дэфтэрхэр гъэхьэзырынымкIэ ядэIэпыкъуныр. 
УФСИН-м и нэIэм щIэт IуэхущIапIэхэм я социальнэ лэжьакIуэхэм я къалэнхэм зэрехъулIэр ягъэлъэгъуащ, дэзыхьэххэм, я ехъулIэныгъэхэм тепсэлъыхьащ. ИужькIэ комиссэм наIуэ ищIащ щIыналъэ органым щынэхъыфIхэр. ТекIуэныгъэр къихьащ Урысей ФСИН-м и Управленэу КъБР-м щыIэм и Следственнэ изолятор №1-м и инспектор нэхъыжь ХъуэкIуэн Хьэсэнбий. 
Мы зэманым къэрал кIуэцI къулыкъум и лейтенантым зыхуегъэхьэзыр Урысейпсо еплъыныгъэ-зэпеуэм и кIэух Iыхьэм, Къэбэрдей-Балъкъэрым и цIэкIэ зыхэтынум. 
 

БАХЪСЭН Ланэ.

  • 40 просмотров

Поделиться:

ЧИТАТЬ ТАКЖЕ:

24.05.2025 - 10:01

Къалэнышхуэхэр къапэщылъщ

КъБР-м и Парламентым щедэIуащ республикэм и бюджетыр 2024 гъэм зэрагъэзэщIам.
24.05.2025 - 09:03

Дызытес къудамэр пыдмыупщIу

ЦIыхухэр, псэущхьэхэр, къэкIыгъэхэр зи хэщIапIэ ЩIы Хъурейм гулъытэ хэха хуэщIыным теухуауэ ООН–м хигъэунэхукIа пIалъэхэм ящыщщ «Биологие зэмылIэужьыгъуагъэм и махуэ» жыхуаIэр.
24.05.2025 - 09:03

IэщIагъэм зыхагъэгъуазэ

«Пэрытхэм я зэщIэхъееныгъэ» зэгухьэныгъэм къызэ­ригъэпэща «МедиаПритяжение» урысейпсо проектым и щIыналъэ Iыхьэр Налшык къалэ щекIуэкIащ.
23.05.2025 - 09:14

ГущIэгъуншэт зауэр

ЩоджэнцIыкIу Алий и цIэр зезыхьэ Къэбэрдей къэ­рал драмэ театрым щагъэлъэгъуащ Васильев Борис и «А зори здесь тихие…» повестым къытращIыкIа «Пшэплъ даущыншэхэр» спек­таклыр.
23.05.2025 - 09:03

ЩIэныгъэмрэ щIалэгъуэмрэ

«Си хабзэубзыху жэрдэмыр» – аращ зэреджэр Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым щыщ гупыр иджыблагъэ зыхэта урысейпсо зэхьэзэхуэм.