Кёп болмай П. Герцен атлы радиология жаны  бла  илму медицина излем араны онкологлары   ишчи жолоучулукъларыны чеклеринде Нальчикде болгъандыла. Ала  Онкология  диспансерни,   Амбулатор халда  онкология болушлукъ берген араны, Районла аралы кёп профильли больницаны эм Хирургия араны ишлери бла шагъырейленнгендиле. 

Ахырында министрни орунбасары Марат Кармов бла тюбешиулеринде кёргенлерине бюсюрегенлерин айтхандыла. Ол санда  онкологиядан саусузлагъа тийишли халда багъылгъанына, билимли, сынамлы  кадрла ураннганларына, дарманла бла тынгылы жалчытылыннганларына, бийик технологиялы операцияла бардыргъанларына   ыспас этгендиле. 

Бютюнда   онкологиядан ауругъанлагъа амбулатор халда болушлукъ тапдыргъан араланы ишлерин бек жаратхандыла. Алада специалистлени иш кёллюлюклерин, саусузлагъа иги болум къурай билгенлерин да энчи чертгендиле.