Къабарты-Малкъарда Республикалы кёп профильли медицина технологиялы  ара ишлерикди. Ол эки уллу медицина организацияны мурдорларында къуралгъанды.  

- КъМР-ни Правительствосуну буйругъуна кёре  эм саусузлагъа кенг  медицина болушлукъ берилирча  хыйсапда  Кардиология диспансер бла  шахарны 1-чи номерли клиника  больницасы бирикдирилгендиле.  Аны хайыры бла тюрлю-тюрлю ауруулагъа диагностика бардырыргъа эм тийишли халда  багъаргъа да  онг табыллыкъды, деп билдириледи Саулукъ министерствону пресс-службасындан.

Анга кёре къан тамырлагъа бакъгъан  бёлюм Кардиодиспансерде орналлыкъды. Анда жюреклери бла къан тамырлары ауругъан эм инсультну кётюрген саусузлагъа къарарыкъдыла. Ол себепден стационарда экинчи  ангиографы бла операция этген бёлюм да ачыллыкъды. Алай бла  жюреклери ауругъанланы бла мыйыларына къан иги бармай къыйналгъанланы энчи халда къараргъа, рентген-эндоваскуляр операцияны да  кёбейтирге жарарыкъды.