Жыл башланнганлы паллиатив медицина болушлукъ тапдыргъан бёлюмде  ишлегенле эсепде болгъан 1418 чакълы юйге барып саусузлагъа тийишли болушлукъ тапдыргъандыла. Саулай алып айтханда, алагъа  3642 кере чыгъаргъа тюшгенди. 

Сагъынылгъан къауумгъа медицина эм психология болушлукъ да керек болады. Аны бла бирге медикле саусузланы жууукъ-ахлуларын дарман салыргъа, жунчутмазгъа эм башха затлагъа да юйретедиле.

Бюгюнлюкде Къабарты-Малкъарда бек къыйын саусузлагъа болушлукъ берген юч бёлюм ишлейди. Ол санда юйлерине барып къарагъан эки къауум барды. Ала Республикалы клиника медицина-хирургия арасында бла Заюковону районла аралы больницасында да орналадыла. 

Уллулагъа паллиатив болушлукъ Заюковону, Басхан эм Лескен районланы ара больницаларында да тапдырадыла. Гитчелеге уа бу жаны бла Сабий реабилитация арада къарайдыла.