Къабарты-Малкъарны спорт министри Хасанланы Ислам Россейни Сангырауланы спорт федерациясыны президенти Дмитрий Ребров, вице-президенти  Вячеслав Ершов, Ставропольда быллай федерацияны башчысы Эдуард Джерештиев, Астраханьны сангырауланы, сокъурланы, къыяулары эм сюек ауруулары болгъанланы спорт федерациясыны таматасы Роман Лимонов бла тюбешгенди.

Ала бизни республикада сангырауланы спортларын айнытыуну амалларын сюзгендиле, тхэквондодан сангырау спортчуланы араларында Россейни чемпионатына хазырланыуну юсюнден да сёлешгендиле. Ол быйыл Нальчикде кюз артында боллукъду. Къонакълагъа Универсал спорт ара бла шёндюгюлю пятиборьени айнытыу араны да кёргюзтгендиле.

Кульчаланы Зульфия.