Белгилисича, быйылгъы жыл Россейде Юйюрге аталгъанды. Ол а эм биринчи аны къыралгъа магъаналыгъын кёргюзтеди. Къабарты-Малкъарда да анга энчи эс бурулады. Республикада сабий туугъан кюнден башлап акъылбалыкъ болгъунчугъа дери ата-анагъа болушлукъ тапдырылады. Бюгюнлюкде регионда 11 665 чакълы кёп сабийли юйюр барды.
Сёз ючюн, 2009 жылда 1769 кёп сабийли юйюрге жашау журтларын игилендирирге социал болушлукъ этилгенди, тёлеулерин жабаргъа да субсидияла берилгендиле. Былтыр да аллай себеплик 3136 юйюрге этилгенди.
Андан сора да, бешинчи сабий тууса бир жолгъа 250 минг сом тёленеди. Жашау журтларын игилендирирге сабий туугъанда бир жолгъа эм ай сайын да ахча тёленеди. Беш эм андан да кёп сабий ёсдюрген анагъа регион кесинден да себеплик этер ючюн къалмайды. Эсге сала айтсакъ, 2008 жылдан бери "Ана махтаулукъ" майдалгъа 383 тиширыу тийишли болгъанды. Алагъа къошакъ халда 30 минг сом тёленеди.
Юйюрню жылында сабийлени, жаш адамланы эм башхаланы да саулукъларын кючлеу, юйюрню даражасын кётюрюр муратда акцияла ётедиле. Нек дегенде юйюр къыралны мурдоруду, жамауат тамблагъы кюнюне ышанып жашарына, айнырына себеплик этген баш шартладан бириди.
