Урысей Федерацэм и щIыналъэхэм ящыщу 10-м я спортсмену 300-м щIигъу иджыблагъэ Краснодар къалэм щызэпеуащ Кавказ Ищхъэрэмрэ Урысей Ипщэмрэ иджырей пятиборьемкIэ пашэныгъэр къыщыхьыным хуэунэтIа зэхьэзэхуэм.

ПятиборьемкIэ зэхьэзэхуэм кърикIуахэр зэхалъхьэжа нэужь КIуж Малик, Уэрсей Дамир, Боттаев Дамир сымэ гупхэм я зэпеуэм Къэбэрдей-Балъкъэрым и командэм япэ увыпIэр къыщыхуахьащ.

Спорт лIэужьыгъуиплIымкIэ етIуанэ хъуахэщ Веденяпин Дамир, Щэмэт Руслан, БакIуу Астемыр сымэ.

Щхьэзакъуэ зэпеуэхэм япэ увыпIэхэр щаубыдащ Хьэкъул Тимур, Къардэн Софэ, КIуж Малик сымэ. Калабековэ Азизэ, Григолие Арианнэ, Веденяпин Дамир сымэ дыжьын медалхэр къахьащ.

Ди командэм и тренерхэр Зенин Сергей, Зенин Игорь, Корзилов Виталий сымэщ.

ХЬЭЩЫКЪУЕЙ Олег.