Къэбэрдей-Балъкъэрым Мэкъумэш хозяйствэмкIэ и министерствэм иджыблагъэ къызэритамкIэ, гъавэ Iухы­жы­ным ди республикэм щоужьэрэкI икIи абы пыщIа лэжьыгъэхэм хыхьэ щIыналъэхэм махуэ къэс къахэхъуэ зэпытщ. 

Республикэм и тафэтес щIыпIэхэм бжьыхьэсэ хьэмрэ рапсымрэ жыджэру щызэщIакъуэж. КъБР-м и щIыпIэ администрацэхэм мэкъумэш-промышленнэ комплексымкIэ щыIэ управленэхэм зэхэту къызэратамкIэ, бжьыхьэсэ хьэуэ тонн мини 6,7-рэ, рапсу тонн мин 1,1-рэ нобэкIэ абыхэм кърахьэлIэжащ. Языныкъуэ мэкъумэш IуэхущIапIэхэми бжьыхьэсэ гуэ­дзыр Iухыжыным щIадзащ. Мы гъэм гуэдзымрэ джэшымрэ зэхэту къытрахыжынущ гектар мин 210-м, ику иту илъэс къэс ящIэм ар хуокIуэ.
ХадэхэкIхэм ящыщу япэу къэхъур джэш хъурейрщ, нобэкIи мэкъумэшыщIэхэр зэгугъур аращ. ИджыпстукIэ, щIыналъэм  и щIыпIэхэм къыщрахьэлIэжащ тонн мини 7,5-м нэблагъэ, икIи ахэр занщIэу консерв заводхэм ирашалIэ, адэкIэ зэре­лэжьы­ным хуэдэу. 
Дызэрыт илъэсым республикэм и мэкъумэш, фермер, уней IуэхущIапIэхэм псоми зэхэту хадэхэкIым хухахащ гектар мин 7-м щIигъу икIи ар нэгъабэ зэрыщытам хуэдиз мэхъу. 

АЛЫДЖОКЪУЭ  Руслан.