Террорым пэ­щIэтынымкIэ комиссэм

25 июня, 2024 - 06:17

КъБР-м и Iэтащхьэ КIуэкIуэ Казбек ­Къэбэрдей-Балъкъэрым щIэпхъаджагъэ къы­­щымыгъэхъун IуэхукIэ Террорым пэ­щIэтынымкIэ комиссэм и зимычэзу зэIущIэ иригъэкIуэкIащ. 
Зэхуэсым хэтащ хабзэхъумэ IуэхущIапIэхэм я унафэщIхэмрэ дзэм и лэжьакIуэхэмрэ. Оперативнэ IуэхущIапIэхэм я лэжьыгъэр зрагъэуIуащ. 
Республикэм иджыпстукIэ щытыкIэр щы­зэпIэзэрытщ. ЦIыхубэр шынагъуэ псоми щыхъума хъун папщIэ, ягъэзэщIапхъэ псори и чэзум зэфIагъэкI. 
Гулъытэ хэха хуащIу кIэлъоплъ цIыху зэхуэсыпIэхэм, транспорт зэблэкIыпIэхэм, щэнхабзэм, егъэджэныгъэм епха IуэхущIапIэхэм, къинэмыщIхэм. 
Республикэм и Iэтащхьэм цIыхубэр хуигъэсэкъащ интернетымрэ хъыбарыбэ зэ­пыщIапIэхэмрэ къагъэщхьэпэу, хъыбар нэпцIхэр зэбгрызыутIыпщыкIхэм я дзыхь ирагъэзыным. «Къэбэрдей-Балъкъэрым и цIыхубэм солъэIу зыр адрейм щIыпэщIэувэжын щхьэусыгъуэ къэзыгъэхъеину хуейхэм зыкърамыгъэгъэпцIэну. Унафэ зыIэ­щIэлъхэм жаIэм фIэкIа, зыми дзыхь хуэвмыщI», - щитхащ КIуэкIуэ Казбек и телеграм каналым. 

  • 57 просмотров

Поделиться:

ЧИТАТЬ ТАКЖЕ:

08.09.2026 - 09:13

ЕрыскъыхэкIхэм я къалащхьэщ Налшык

Налшык къалэр, ЗэгурыIуэныгъэм и утыр, мы махуэхэм Урысейм и ерыскъыхэкIхэм я къалащхьэхэм ящыщ зы ­хъуащ.
08.09.2026 - 09:12

Гъагъэ, си республикэ!

Къэбэрдей-Балъкъэрым и Къэралыгъуэм и махуэр Театр щхъуантIэм щагъэлъэпIащ «Гъагъэ, си щIыналъэ!» гуфIэгъуэ концерт инымкIэ. 
08.09.2026 - 09:10

«Кавказым - мамырыгъэ»

КъБР-м и Музыкэ къэрал театрым фокIадэм и 6-м щызэхуащIыжащ гъуаз­джэхэмкIэ «Кавказым - мамы­рыгъэ» XV лъэпкъхэм зэдай фес­тива­лыр.
08.09.2026 - 09:07

Къыщыуджащ Ищхъэрэ Мылылъэ хым

Налшык къалэм дэт лицей №2-м физикэмрэ астрономиемкIэ и егъэджа­кIуэ Къэшэж Аслъэн «Рос­атом»-м иригъэкIуэкI «Ледокол знаний» VII дунейпсо щIэныгъэ-узэ­щIакIуэ зе­кIуэм хэтахэм ящыщ зы ­хъуащ.
07.09.2026 - 09:03

Мэржэхъу ФатIимэ и ехъулIэныгъэ

Гъэ еджэгъуэщIэм и пэ къихуэу хъыбар гуапэ къы­тIэ­рыхьащ.