Кисловодскда каратени бир тюрлюсюню къорууланыу амалланы хайырланыу бла толу контакт бёлюмюнде Кисловодскда «5642» клуб ачыкъ эришиу къурагъанды, сермешле «Kub_team» араны кубогу ючюн бардырылгъандыла.

Анда аскер искусстволаны «Барс-Тырныауз» академиясыны спортчулары жетишимли болгъандыла. Алтын майдалланы Шауаланы Халит бла Алибек Сижажев къытхандыла, Шауаланы Мухаммат а ючюнчю жерни алгъанды. Халит дагъыда эм иги сермешгени бла эм ариу сермеш кёргюзтгени ючюн кубок бла саугъаланнганды. Спортчуланы тренерле Этезланы Владимир, Арсен Губашиев, Этезланы Адильгерий хазырлагъандыла. Бу кёрюмдюле бла академия битеукоманда эсепде ючюнчю жерге чыкъгъанды.     

Кульчаланы Зульфия.