Нальчикде каратени араши тюрлюсюнден регионла аралы эришиу къуралгъанды, ол битеулю жорукъла бла бардырылгъанды. Анга каратени башха-башха тюрлюлеринден, аскер къол тюйюшден,  тхэквондону ГТФ тюрлюсюнден эм ММА-дан жарау этген эм кючлю спортчула къатышхандыла. Ала Ставрополь крайдан, Ингушетиядан келгендиле, республикабыздан да аслам адам болгъанды.

Къабарты-Малкъарны жыйымдыкъ къауумуну санында аскер искусстволаны «Барс-Тырныауз» клубну келечилери ахшы сермешгенлерин белгилерчады. Кеслерини жыл сан эм ауурлукъ къауумларында кюмюш майдалланы Шауаланы Халит, Къууанч Гусейнов къытхандыла, «доммакъны» Азамат Лигидов алгъанды. Аланы тренерле Этезланы Владимир, Гияс Абушов, Алим Эминов, Арсен Губашиев, Виолетта Шпанагель, Ангелина Лазаренко бла Этезланы Адилгерий хазырлагъандыла.

Кульчаланы Зульфия.