Къабарты-Малкъар къырал аграр университетде «Къурулушда, табийгъатха къарауда эмда эл мюлкде ишлени  механизациялауда жангы амалла» деген битеуроссей илму-сынам конференция ётгенди. Окъуу юйню  «Къурулуш эмда жерлени жарашдырыу» бёлюмюнде бардырылгъан жыйылыугъа къурулушчу алимле къатышхан эдиле, деп билдиргендиле университетни пресса-арасындан.

Жыйылыуда университетни «Жерлени жарашдырыу эмда  тепдирилмеген мюлкню сынау» кафедраны келечиси, экономика илмуланы кандидаты Къазыланы Валерий барыбыз да солугъан хауаны   къалай тинтиучюлерини юсюнден хапарлагъанды, жашау журтланы багъаларын чыгъаргъанда анга да эс бурулгъанын  чертгенди. Ол кафедраны доценти Индира Микитаева  уа жер башында эм белгили фонтанланы юслеринден билдириу этгенди.

Предприятияланы энергия бла жалчытыу кафедраны тамата преподаватели Джамал Габачиев  энергетика къалай айны баргъаны бла шагъырейлендиргенди. РАН-ны КъМР-де Илму арасыны прикладной математика эмда автоматизация институтуну келечиси Анахаланы Кошкинбай а ырхы суула жыйылыучу кёллени тинтиуню  шёндюгю амалланы юслеринден билдиргенди.

Конференцияда  дагъыда кёпле оюмларын туура этгендиле.

Омарланы Мурат хазырлагъанды.