ШУЁХЛУКЪНУ ТОХТАШДЫРЫРЧА - ЖЫЙЫЛЫУЛА

14 июня, 2024 - 13:37

Июньну биринчи жарымында, Спорт министерствосундан билдиргенлерича, республикада дзюдодан халкъла аралы жыйылыула бардырылгъандыла, алагъа Бразилиядан, Къытайдан, Къазахстандан бла Къабарты-Малкъардан 200-ге жууукъ спортчу къатышхандыла.

Жыйылыуланы регионну Спорт министерствосу бла «Локомотив-Грин Хилл» клуб къурагъандыла. Аланы баш мураты бир бири сынамына юйрениу эм башха-башха къыралланы дзюдочуларыны араларында шуёхлукъ байламлыкъланы тохташдырыу болгъанды. Жыйылыула матч тюбешиуле бла бошалгъандыла. Алада спортчуланы КъМР-ни Башчысы Казбек Коков алгъышлагъанды. Спортчулагъа хорламла тежеп, Спорт министерствогъа бла «Локомотив-Грин Хилл» клубха спорт байрамны ётдюргенлери, къонакълагъа уа республикагъа келгенлери ючюн ыразылыгъын билдиргенди. 

Эсеплеге кёре, биринчи жерни Бразилияны къаууму алгъанды, экинчи - Къазахстанны, ючюнчюню уа Къабарты-Малкъарны бла «Локомотив-Грин Хиллни» командалары юлешгендиле.

Кульчаланы Зульфия.

  • 23 просмотра

Поделиться:

ЧИТАТЬ ТАКЖЕ:

12.05.2026 - 09:33

Ала болдургъан батырлыкъ эсден кетмегенди

Бу суратны редакциягъа  алгъаракъда Тёбен Чегемден газет бла байламлыкъ жюрютюп тургъан Къумукъланы Бузжигит жибергенди. Ол суратны Къонакъланы Мухамматны жашы Ибрагимни альбомундан алгъанды.
12.05.2026 - 09:33

Излемлеге келиширча

Кёп болмай  «Билим бериуню айнытыу» къырал программагъа кёре,  Жанхотияны садигине тынгылы ремонт этип башлагъандыла, деп билдиргендиле Басхан районну администрациясындан.   
11.05.2026 - 10:01

Битеукоманда эсепде – ючюнчю жерде

 Дондагъы Ростовда каратеден «Кубок Пересвета» деген аты бла битеуроссей эришиу бардырылгъанды, анга къыралны 38 регионундан мингнге жууукъ спортчу къатышхандыла.
11.05.2026 - 09:03

Малчылыкъны жашырынлыкъларына тюшюндюре

Кёп болмай Къабарты-Малкъар къырал аграр университетде «Фермерни школу» битеуроссей билим бериу проектни онючюнчю кесегине къатышханла бла тюбешиу болгъанды.
10.05.2026 - 09:03

Амалланы тюрлендирирге келишгендиле

КъМР-ни прокуратурасында право низамны сакълаучу органланы къуллукъчуларыны аманлыкъчылыкъгъа къажау соруула жаны бла координация кенгешлери болгъанды.