Фатар, улоу, башха не тюрлю мюлк сатханда окъуна налог тёлерге керекди. Аны ёлчеми – 13 процентди. Бир жылгъа ишлеген хайыр 5 миллион сомдан кёп эсе уа – 15%.

Бу жорукъда «хайыр» деген сёз баш магъананы тутады. Ол кеси да сатып алыннган эмда ызы бла сатылгъан аберини багъасыны башхалыгъын кёргюзтеди. Тёлегенден эсе сатхан багъасы уллу болгъанда, ол башхалыкъдан налог тыйылады.

Алай мында да барды талай энчилик. Ала кеслери да инсан жанлы боладыла:

Улоу хайырланыуда юч жылдан артыкъ тургъан эсе, аны сатхандан сора налог тёлерге керекмейди.
Улоу жууукъ адамгъа саугъагъа берилген эсе неда кесинден къаллыкъ ырысхыча башхагъа къалгъан эсе - налог тёленмейди. Инсанны жууукъ адамлары: юйдегиси, атасы неда анасы, сабийлери, аппасы, аммасы, туугъан туудукълары, эгечлери, къарындашлары (ол санда ёге).
Улоу 250 минг сомдан учуз сатылгъан эсе.
Дагъыда тёленнген налогну бир кесегин къайтарыргъа амал барды. Улоуну неллай бирге сатып алгъаныгъызгъа шагъат къагъыт болмаса хайырланылады ол. Башхача айтханда, сатхан багъадан 200 минг сомну кетерип, налогну уа къалгъан кесегинден тыядыла.

Улбашланы Мурат хазырлагъанды.