|
|
АДЫГЕЙ ТАУРЫХЪХЭР
9 июня, 2024 - 09:25
Лъахэхутэхэу Котляровхэ Викторрэ Мариерэ я тхылъ тедзапIэм къыщыдагъэкIащ «Тхыгъэ къыхэхахэр» («Библиотека избранного») серием щыщ «Адыгей таурыхъхэр» тхылъыр.
Иужьрей илъэсищэм къриубыдэу республикэм и тхакIуэ, усакIуэ цIэрыIуэхэм я Iэдакъэ къыщIэкIа, щIэупщIэ зиIэ тхыгъэхэр щызэхуэхьэса тхылъ 30-м щIигъу блэкIа илъэситIрэ ныкъуэм Котляровхэ я тхылъ тедзапIэм къыщыдэгъэкIащ. А лэжьыгъэм зэрыпащащ зи гугъу тщIы таурыхъхэр.
Редактор нэхъыщхьэ Котляров Виктор зэрыжиIэмкIэ, Максимов П. Х. зэхуихьэсыжа адыгей таурыхъхэр зэрыт «Горские сказки» (1935) тхылъым и пэублэ псалъэр совет литературэм и классик Горький Максим итхауэ щытащ: «Адыгей таурыхъхэр гъэщIэгъуэнщ икIи мыхьэнэшхуэ яIэщ нэгъуэщI лъэпкъхэм я таурыхъхэм зэрыпэджэжымкIэ. ТхьэкIумэкIыхьым, бажэм, дыгъужьым теухуа таурыхъыр гъэщIэгъуэнщ. Абы къыщыгъэлъэгъуащ цIыхухэм яку дэлъ зэхущытыкIэхэр. КъинэмыщIауэ, адыгей таурыхъхэм я пщIэр нэхъри зыгъэинщ абыхэм сыт щыгъуи фIыр Iейм зэрыщытекIуэр. Лъэпкъыр зэрыузыншэм и нэщэнэщ ар», - къыхигъэщат тхакIуэшхуэм.
Кавказым щыпсэу лъэпкъхэм я таурыхъхэм къыхэщ лIыхъужьхэмрэ ахэр зытеухуахэмрэ IуэрыIуатэр, тхыдэр я лъабжьэщ. ЛIыхъужьхэм къару, зэфIэкI къызэрымыкIуэ ябгъэдэлъщ, я хъуэпсапIэхэр зрагъэхъулIэф.
Таурыхъхэр балигъи сабии дэзыхьэхщ. Лъэпкъ IуэрыIуатэм ухэзыгъэгъуазэ тхылъыр дэтхэнэ зы унагъуэми илъыну щхьэпэщ.
ТЕКIУЖЬ Заретэ.
 |
|
29.04.2025 - 12:25 «Спортыр террорым и бийщ» къыхуеджэныгъэм щIэту Налшык къалэм и «Налшык» спорт комплексым щекIуэкIащ кикбоксингымкIэ республикэ зэхьэзэхуэхэм я кIэух Iыхьэр. |
 |
|
29.04.2025 - 09:03 Бахъсэн къалэм и администрацэм и унафэщI Мамхэгъ Хьэчим иджыблагъэ дыщигъэгъуэзащ иужьрей зэманым бахъсэндэсхэм спортымкIэ яIа ехъулIэныгъэхэм икIи абыхэм уариплъэу щытмэ, узыщыгуфIыкIыныр мащIэкъэ |
 |
|
29.04.2025 - 09:03 Астрономхэр щыхьэт зэрытехъуэмкIэ, щыблэм и теплъэ зэхуэмыдэхэм, ди планетэм и мызакъуэу, Дыгъэм къедза адрей уафэщIхэми, псалъэм папщIэ, Ураным, Венерэм, Сатурным, Юпитерым, нэгъуэщIхэми уащрихьэл |
 |
|
29.04.2025 - 09:03 Налшык дэт Гимназие №I-м щекIуэкIащ илъэс къэс зэхаублэ «Рыцари закона» республикэ зэпеуэм и къалэ Iыхьэр. |
 |
|
28.04.2025 - 09:19 Аруан щIыналъэм хыхьэ Псынабэ къуажэм дэт курыт еджапIэм иджыблагъэ къыщызэIуахащ къуажэдэс нэхъыжьыфI Къэгъэзэж Щамхьир и гъащIэмрэ и лэжьыгъэмрэ теухуа плIанэпэ. |
|
