Дунейм зэрызиIэтыжу, гъатхасэ лэжьыгъэхэм щыпащэжащ Къэбэрдей-Балъкъэрым. Республикэм и щIыналъэхэм я администрацэхэм мэкъумэш-промышленнэ комплексымкIэ щыIэ управленэхэм иджыблагъэ къызэратамкIэ, гъавэр нобэкIэ тращIащ гектар мини 183,5-м. Мы гъэм псори зэхэту абыхэм хухаха щIым и процент 87-рэ мэхъу ар.

Накъыгъэм и япэ тхьэмахуитI-щым республикэм щIыIэбжьу, уэлбанэрилэу зэрыщыщытам и зэранкIэ гъатхасэ лэжьыгъэхэр зэпамыгъэууэ хъуакъым. Абы щыгъуэ щIыр темыщтыкIауэ щытми, къэкIыгъэхэм я зыужьыныгъэм зэран екIащ: ахэр тIэкIу къызэтеувыIащ.

Иджыпсту лэжьыгъэхэр ирагъэкIуэкI щыIэ мэкъумэш-техникэ мардэм тету.         НобэкIи, республикэм и мэкъумэшыщIэхэм еужьэрэкIыу тращIэ нартыху жылапхъэхэр, хьэр, сэхураныр, кIэртIофыр, хадэхэкIхэр. Абыхэм къадэкIуэу, къэкIыгъэхэм къеуалIэ узыфэхэм, хьэпIацIэхэм зэрапэщIэт хущхъуэхэр хьэсэхэм халъхьэ.

                                                         ХЬЭЩЫКЪУЕЙ Олег.