Сабийлени от тюшюуге къоркъуусузлукъну жорукъларын билдирир мурат бла МЧС-ни жер-жерли бёлюмлерини ишчилери республиканы билим бериу учрежденияларында дайым боладыла. Бу жол республикалы къутхарыу службаны келечиси Фатима Атласкирова бла 3-чю от ёчюлтюу-къутхарыу бёлюмню командири Алим Хапцев Булунгуну орта мектебини окъуучулары бла тюбешгендиле. 

Ала сабийлеге от тюшгенде ала кеслерин къалай жюрютюрге керек болгъанларын ангылатхандыла, къутхарыу службаланы телефонларын эсгертгендиле, от алгъан мектепден терк къалай чыгъаргъа боллугъун кёргюзтгендиле. Энчи эс а от бла ойнаргъа жарамагъанына бёлгендиле. Устазла бла ушакъларында уа къыйын болумда къаллай мадарла этерге тийишлисин ангылатхандыла, от ёчюлтюучюле бла хайырланыргъа юйретгендиле. Юйретиуледен сора жарау халда эвакуция бардырылгъанды, ызы бла къутхарыучула окъуучулагъа техникаларын, отланы къалай ёчюлтгенлерин кёргюзтгендиле.

Кульчаланы Зульфия.