«Адыгэ псалъэ» газетым и редакцэм иджыблагъэ къэпсэлъащ Старэ Шэ­рэдж къуажэм дэс бэ­джэндырылажьэ щIалэ Жылэ Суфян, езым хуэ-дэу адрейхэри зытелэ­жьыхь щIым щIагъэлъадэ псыр зэрамыгъуэтыжым къы­хэкIыу. Iуэхум и пэ­жыпIэр зэхэгъэкIын мурадыр ди­Iэу, дэ дыкIуащ   а къуажэм ипщэ-къухьэ-пIэ лъэ­ны­къуэмкIэ щыIэ   и губ­гъуэм.
Жылэ Суфян и гъусэу дэ къытIущIащ бэджэндыры­лажьэ щIалэхэу КIэды­-кIуей Вячеславрэ ГъукIэжь Хьэзритрэ.
- ЗэрысщIэжымкIэ, Акъ­сырэ зыхужаIэ мы къуэбэ­къур илъэс 15 ипэкIэ зэ ягъэкъэбзауэ щытащ, - игу къегъэкIыж Суфян. - Абы­кIэ щежэх псыр совет лъэхъэнэ лъандэрэ колхоз губгъуэм хуиту щIагъэлъадэу иджыри къыздэсым къе­кIуэкIащ. Ди закъуэкъым мы къуэ­кIийм дэт псым щыгугъыр. Псыгуэнсу къуа­жэм деж къы­щыщIэдзауэ Май ­къа­лэм нэсыху,  абы «те­сым» я бжыгъэр 100-м ноб­лагъэ. Абыхэм ящы­щу, но­бэр къыздэсым, зыми жра­Iакъым, псыр къагъэ­сэ­бэ­пын пап­щIэ, абы теу­хуа­уэ IуэхущIапIэ гуэр­хэм зэгу­рыIуэныгъэ иращIы­лIап­­хъэу щытауи, ­уасэ      гуэр­ щIатын хуеяуи. Псыр яубыдри, зыхэдмы­щIыкI ­зэ­гурыIуэ­ны­гъэр фи­Iэ­къым жаIэри къэуващ ар ­  зи Iэ­дакъэ­щIэкIхэр. Дызрагъэува щы­тыкIэр, сэ къы­зэрыс­лъы­тэмкIэ, зэщхьыр дыкъызэралъхурэ дызэрыбауэ жьым «нобэ щыщIэ­дзауэ уасэ иIэ хъуащи, дя­пэкIи къэвгъэ­сэбэ­пы­нумэ, ахъшэ щIэ­фтын ­хуейщ!» къыджа­Iэу, къытпаубыдам хуэдэщ. Иджы сыт? ЩIыхуэ ттелъти, ар иритпшыны-жын­ мурадыр диIэу, аргуэру нэгъуэщI щIыхуэ къат­щтэри, щIэж цIыкIухэр хэтсащи, абыхэм псыр яхурикъуркъым. Нэ­гъуэщI мыхъу­ми, губгъуэ лэжьыгъэр и кIэм ныдагъэгъэстэкъэ?!
Ди псалъэмакъым адэкIэ къыхохьэ КIэдыкIуей Вячеслав.
- ГъэщIэгъуэныр аращи, ди­ Iуэху зыIутым зыри къы­щIэупщIакъым. Ды­зыте­лэ­жьыхь щIыр бэджэнду къы­зэреIытхам и уасэр кIэры­хуншэу идот. Зэгъэзэхуэ­­-   жы­ныгъэ лэжьыгъэхэр езы­гъэ­кIуэкIхэм, къуажэ администрацэм и тхьэма-дэ Iэщын Арсен ди пашэу, дабгъэдыхьати, «дэ ди лэ­жьыгъэр дгъэзащIэу аращ. ИщхьэкIэ фыкIуи фыпсалъэ» къыджаIащ, - къыддогуашэ Вячеслав.
Дыздэщытым долъагъу губгъуэ хьэсэхэм икIуэдэж, гъужыпэным нэса мэра­кIуэм и щIэж цIыкIухэр.
АдэкIэ дэ зыхудогъазэ ­ГъукIэжь Хьэзрит:
- Уэ сыт хэпсар?
- Нащэ, тIууэ зэщхьэ­щы­кIыу хэтсати, япэ лIэужьы- гъуэр къетхьэлIэжащ. ЕтI­уа­нэр, гектаритху зыу­бы­дыр, иджыпсту и хъугъуэ дыдэу арати, псы имыгъуэтурэ мэкIуэдыж. Зэгъэзэ­хуэ­жы­ныгъэ лэжьыгъэхэр гъэмахуэм къызэрырахьэжьэнум теухуауэ нэхъ пасэу хъыбар дагъэщIатэмэ, апхуэдиз ахъ­шэ мы ди Iуэхум хэт­лъхьэнтэкъым. Псыбэкъур зэрагъэкъабзэм, дауи, дригуфIапхъэт, ауэ, нэгъуэщI мыхъуми, ­гъавэр къыщетхьэлIэж фокIадэм икухэм нэсыху, псыр зыдэт къуэ­кIийм и гугъу ямыщIатэмэ.
Суфян зэрыжиIэмкIэ, ­къуажэ администрацэм и Iэтащхьэ Iэщын Арсен республикэм Мэкъумэш хозяйствэмкIэ и министерствэм мелиорацэмкIэ и департаментым (и унафэщIыр Нэ­хущ Левщ) зи гугъу тщIы Iуэхум теухуауэ тхыгъэкIэ захуигъэзати, жэуап къратыжащ, псыр зэжэх къуэбэкъухэр губгъуэхэм щыгъэкъэбзэныр къэралым и ­мэкъумэш хозяйствэр къэ­Iэ­тыным хуэгъэзауэ зэхагъэува программэм, «Урысейм и мелиоративнэ комплексым зегъэужьын» жы­хуаIэм, ипкъ иткIэ зэ­­ры-
­рагъэкIуэкIымкIэ хъыбар кърагъащIэу.
Ауэ, дэ дгъэщIэгъуар аращи, губгъуэм дызыщыхуэза щIалэхэми зэрыжаIауэ, департаментым и IэщIагъэлI­хэм кърахьэжьа Iуэхум бэ­джэндырылажьэхэр нэхъ пасэу щыгъуазэ зэрамыщIарщ. ИкIи, Жылэ Суфян къызэрыхигъэщамкIэ, езым хуэдэу, щIым телэ­жьыхь псори лъаIуэу аращ, зыщыгугъ я гъавэр кърахьэлIэжыху псым и гугъу ямыщIыну, ар мыхъунумэ, гъэкъэбзэн лэжьыгъэхэм ар езыгъэкIуэкIхэр еужьэ­рэкIыну.