КIуэкIуэ Казбек иджыблагъэ Шэрэдж районым лэжьыгъэ IуэхукIэ щыIащ. КъБР-м и Iэтащхьэм и къалэнхэр пIалъэкIэ зыгъэзащIэр Аушыджэр къуа­жэм дэт амбулаторэм еплъащ. 1936 гъэм ящIа унэр кхъахэ дыдэ хъуащ икIи зэбгъэпэщыжыну зыри хэлъыжкъым. Абы къыхэкIыу къуажэ амбулаторэр щылэжьэну унэр ухуэныр узыншагъэр хъумэным зегъэужьыным хуэгъэзауэ иджыпсту ягъэзащIэ программэхэм ящыщ зым хагъэхьэну я мурадщ. Абы и проект-сметэ документацэр гъэхьэ­зырын яух.
Республикэм и унафэщIым апхуэдэу къипщытащ Шэрэдж псым и Iуфэхэр гъэбыдэным икIи унагъуэхэмрэ туризмэм и IуэхущIапIэхэмрэ псыдзэм щыхъумэ­ным хуэгъэзауэ зэфIагъэкIхэр
Къэщкъэтау поселкэм КIуэкIуэ К. В. къыщиплъыхьащ Чеченов Ш. Ш. и цIэр зезыхьэ курыт еджапIэр. Мыбы ще­джэхэм, щIэныгъэ гуэдзэн щызэзыгъэ­гъуэтхэм я бжыгъэр 726-рэ мэхъу. ­КъБР-м и Iэтащхьэм и къалэнхэр пIалъэкIэ зы­гъэзащIэм щыгъуазэ зищIащ спортза­-лыр капитальнэу зэрызэрагъэпэщыжам, узыншагъэр щрагъэфIакIуэ, спортым зыщыхуагъасэ IуэхущIапIэщIэр зэраухуэм.
А махуэ дыдэм КIуэкIуэ Казбек щыIащ дунейм ехыжа Ульбашев Хусей, Хэку зауэшхуэм и ветераным, и унагъуэм икIи абы и Iыхьлыхэмрэ и благъэхэмрэ яхуэгузэващ.
КIуэкIуэ Казбек апхуэдэу яхуэзащ Шэрэдж районым и цIыхухэм социальнэ Iуэхутхьэбзэхэр яхуэщIэнымкIэ комплекс центрым и лэжьакIуэхэмрэ а IуэхущIапIэм щыIэ цIыхухэмрэ. КъызэрыщIэкIымкIэ, мы IуэхущIапIэр ядоIэпыкъу республикэм и муниципальнэ район псоми исхэм ящыщу гугъуехь хэхуахэм икIи абыхэм я хуитыныгъэхэмрэ я сэбэп зы­хэлъхэмрэ пхыгъэкIыным хуэгъэзауэ зыхуэфащэ Iуэхухэр ирегъэкIуэкI.