Прохладна районда Солдатская станицада эмда Прималкинское элде биришер сабий садикни къурулушу эбине жетдириле турады. Райондан билдиргенлерича, ишле «Къабарты-Малкъарда билим бериуню айнытыу» деген къырал программаны чеклеринде бардырыладыла. Бу программаны хайыры бла жер-жерледе сабий садикледен къытлыкъдан къутулургъа умут этиледи.
Проектге кёре, Прималкинское элде объектни уллулугъу 534 квадрат метр боллукъду. Ол аны къатында школгъа узун отоу ишленип къошуллукъду. Садикге, эки къауумгъа бёлюнюп, жыйырмашар сабий жюрюрюкдю. Анда медицина эмда методика кабинетле, спорт бла кюреширча зал да боллукъду. Экинчи элде ишлене тургъан мекямда да аллай онгла къураллыкъдыла.
Саулай айтханда, объектлени хар бирине 26,8 миллион сом къоратыллыкъды. Ахчаны аслам кесеги (24,9 эмда 25 миллион) къыралны бюджетинден берилгенди, къалгъанын а республика къошханды.