Республиканы курортла эм туризм министерствосуну себеплиги бла Кавказ Минеральные Водыни (КМД) экскурсоводларына Къабарты-Малкъаргъа сейир жолоучулукъ къуралгъанды.

Аланы автобусда Нальчикни ариу жерлерине, ол санда Малкъар халкъны кёчгюнчюлюкде азаплыкъ чекгенлени мемориалына, Мадина Саральпны арт-арасына, Али Шогенцуковну музей-фатарына элтгендиле, Къабарты орамны тарых магъаналы жерлерин кёргюзтгендиле. Къонакъла дагъыда Къулийланы Къайсынны Чегемде юйюнде болургъа да сюйгендиле.

Ведомствода белгилегенлерича, быллай жолоучулукъланы къурау экскурсоводланы республикабызны тарыхыны, географиясыны, маданиятыны юсюнден билимлерин ёсдюрлюкдю, ала уа артда аны юсюнден кеслерини къонакъларына да айталлыкъдыла. Сора, Нальчикни КМД-ны туроператорлары бла турагентлери бардыргъан проектлеге къошаргъа себеплик этерикди.

Кульчаланы Зульфия.