Терекде кече адамла жашагъан юйге от тюшгенди, аны ишлегенде агъач керекле да хайырланнганлары ючюн, от тёгерекни терк алгъанды, алай бла 150 квадрат метрде болгъан отоула барысы да кюйгендиле. Насыпха, адам ёлмегенди. От тюшюуню сылтауларын излегенде дознавательле котельняда электроызла эски болгъанларын тохташдыргъандыла.

Электричествосуз бюгюннгю жашауда, айхай да, болмайды. Алай бузукълукъла чыкъсала, аны хатасы бек уллуду. Эсеплеге кёре, юйледе от тюшюуге келтирген чурумланы араларында электроызланы тартханда халатла, бузукълукъла, бир ызгъа асыры кёп затны къошуу экинчи жерни аладыла. Ол санда ызланы, аланы осаллыкъланы, эскиликлерине къарамай, уллу ток бла ишлеген приборланы салыу да барды. Аны бла байламлы ведомство адамланы эски, бузукълукълары болгъан электроызланы хайырланмазгъа, электропечьлени жандыргъанда сакъ болургъа, сабийлени электроприборла тургъан отоулада жангызлай къоймазгъа, юйледе тютюнню эсеплеген приборланы салыргъа чакъырады.

Кульчаланы Зульфия.