Санларында къыяулары болгъанланы хунерликлерин сынау жаны бла «Абилимпикс» чемпионатха хазырланыу башланнганды. Анга жораланып, бу кюнледе Профессионал билим бериу арада жыйылыу болгъанды. Аны ишине КъМР-ни Жарыкъландырыу эмда илму, Урунуу эмда социал къоруулау, Маданият министерстволаны, профессионал, бийик билим берген, сабийлени школгъа дери окъутхан эмда битеу билим берген учрежденияланы келечилери къатышхандыла. 
Кенгешни эсеплерине тийишлиликде чемпионатны къурау комитетини жыйылыууна материалла хазырланырыкъдыла.
«Абилимпикс» быйыл сегизинчи кере бардырылады, аны онсегиз компетенциясы боллукъду. Дагъыда школчулагъа, студентлеге, алтмыш беш жыллары толмагъан абаданлагъа да эришиуле къураргъа мурат этиледи.

Далхатланы Марзият.