АЙЫРМАЛЫ ДЗЮДОЧУЛАГЪА – ЫРАЗЫЛЫКЪ КЪАГЪЫТЛА

4 февраля, 2024 - 07:01

Черек районну администрациясыны пресс-службасындан билдиргенлерича, бу кюнледе Огъары Жемталаны 2023 жылда жетишимли болгъан дзюдочуларын республиканы Жаш тёлю ишлери жаны бла министерствосунда саугъалагъандыла. Алагъа Къабарты-Малкъарны спорт эм жамауат жашаугъа тири къатышханлары, спортда болдургъан уллу жетишимлери, саулукълу жашау бардырыуну оюмларын жайыугъа этген къошумчулукълары ючюн ыразылыкъ къагъытла берилгендиле.

Жаш адамланы алгъышлай, министрни орунбасары Ахметланы Артур алагъа мындан арысында да хорламлы болурларын тежегенди. Саугъаланнган дзюдочуланы араларында Баллиланы Расул, Маммеланы Даниял, Джанукуланы Эллина, Занкишиланы Имран, Аслан бла Амир, Уяналаны Саид, Дадуланы Муслим, Таукенланы Салим, Мусукланы Къууанч, Карим бла Рамзан, Хибийланы Дамир бардыла. Аланы хазырлагъан тренер Жангоразланы Хаким да ёсе келген тёлюлени Ата журтха сюймекликге юйретгени, республикада саулукълу жашау бардырыуну бла спортну пропагандасына салгъан къыйыны ючюн белгиленнгенди.

 

Кульчаланы Зульфия.

  • 29 просмотров

Поделиться:

ЧИТАТЬ ТАКЖЕ:

08.10.2026 - 10:01

Ташла дуниясы

Арт жыллада къауум жаш адам, ташланы кесип, ичлеринде сейир  суратланы ачыкъ этедиле. Суратла уа хар бири да кесича бир башха тюрлю,  бирге ушагъан экисин кёрмезсе.
08.10.2026 - 09:10

Эсгертме жангыртылгъанды

Кёнделеннге кирген жерде «Бушуулу таулу» эсгертмени тёгереги тынгылы жангыртылгъанды, деп билдиредиле Къабарты-Малкъарны Къурулуш эм ЖКХ министерствосундан.
08.10.2026 - 09:09

Эм жууаплы усталыкъда айырмалылагъа – сый, намыс да

Къабарты-Малкъарны Жамауат палатасында Устазны кюнюн белгилеу, ахшы тёре болуп, кёп жылланы барады.
07.10.2026 - 09:03

«Къабарты-Малкъар ол жетишим бла ёхтемленеди»

 КъМР-ни Башчысы Казбек Коков Басхан шахарны 4-чю номерли школуну тарыхдан бла обществознаниядан устазы Заур Шомаховну «Россейде жылны устазы» конкурсда саугъагъа тийишли болгъаны бла алгъышлагъанд
07.10.2026 - 09:02

Къыйматлы оюмну бла файданы арасы къысха болургъа тийишлиди

Нальчикде Жаш тёлюню  юйюнде КъМР-де дизайн бёлюмню айнытыугъа жораланнган форум ётгенди. Аны быйыл жаз башында бардырылгъан «Креатив Эльбрус» форумдан чыкъгъан жумушха санаргъа боллукъду.