Къэбэрдей-Балъкъэрым и щIыпIэ дахэ­хэр нэхъ гъунэгъуу зрагъэцIыхуну Минводы къалэм къикIри, экскурсоводу 19 Налшык  иджыблагъэ щыIащ. 

Республикэм Курортхэмрэ туризмэмкIэ и министерствэм и пресс-IуэхущIапIэм къы­зэрыхигъэщамкIэ, хьэщIэхэр авто­бускIэ къра­шэкIыурэ республикэм и щIы­пIэ нэхъ дахэхэр ирагъэлъэгъуащ. Къапщтэмэ, абы­хэм ди къалащхьэм и Къэ­бэрдей уэрамым и лъэс зекIуапIэм ­къыщакIухьащ, Сэралъп Мадинэ и Арт-центрым, Политикэ залымыгъэ зыкIэ­лъы­зэрахьахэм я фэеплъым щыIащ, Що­джэнцIыкIу Алий и музеймрэ Кулиев ­Къайсын и музеймрэ зрагъэлъэгъуащ. 
Гъунэгъу щIыналъэм щыщ, дунеяп­лъэ­хэр, зыгъэпсэхуакIуэхэр къезы­шэкI­хэр нэ­хъы­­бэу   щIыналъэм къы­щIэкIуар ди щIы­пIэ дахэхэр зрагъэцIыхуу туристхэм я экск­ур­с­­хэм Налшык къалэри хэгъэ­хьэну аращ. 
ХьэщIэхэм зэрыжаIамкIэ, псом хуэмы­дэу абыхэм гъэщIэгъуэн ящыхъуащ Що­джэнцIыкIумрэ Кулиевымрэ ятеухуа хъы­бархэр. Къыхагъэщащ щIэ куэд къы­зэрыхахар икIи я лэжьыгъэм хагъэхьэу а музейхэм туристхэр къашэн щIадзэну зэрамурадыр. 

НАУРЫЗЫКЪУЭ  Ислъам.