|
|
Ишчиле, техника да хазырдыла
15 декабря, 2023 - 06:41
КъМР-ни Транспорт эмда жол мюлк министерствосундан билдиргенлерича, машина жоллагъа къарагъан ишчиле регион магъаналы эм муниципал жолла къоркъуусуз болурча тийишли жумушланы тамамларгъа хазырдыла. Ала уллу жаяу жолланы, улоула тохтагъан комплекслени, къоркъуусузлукъну жалчытхан бурууланы, светофорланы, белгилени эмда башха жерлени къардан тазалайдыла, бузну эритирча юзмез къатыш туз чачадыла.
Саулай алып айтханда, быйыл къышда 17 минг тонна юзмез бла туз хазыр этилгендиле. Аны бла бирге, ведомстводан билдиргенлерича, бюгюнлюкде жоллада да эки жыйырма энчи техника ишлерикди.
Жоллагъа себилген материалны къурамын дайым тинтгенлей турадыла. Тийишли службала жолланы буз басхан кезиуде водительлеге бютюн сакъ болургъа, къызынмазгъа эм бир-бирге жууукълашмазгъа кереклисин эсгертедиле.
Бизни корр.
 |
|
11.08.2026 - 14:52 Гузиланы Хызырны бла Еленаны юйюрлерини юслеринден газетибизде алгъын да жазгъанбыз. Ол къууанчлы иш бла байламлы болгъанды – ала бирге къош къурагъанлы 50 жыл толгъан эди. |
 |
|
11.08.2026 - 10:50 – Атабызны айтханы бла Прохладныйде эл мюлк техникумну механизаторланы хазырлагъан бёлюмюне киргенме. Болсада жюрегим окъуудан эсе ишге бегирек тартханы ючюн урунууну сайлайма. |
 |
|
11.08.2026 - 09:03 Къабарты-Малкъарда сабанлада будай эмда арпа оруу ишле ахыр кезиуюне жетгендиле. Бюгюнлюкде 260 минг тонна чакълы мирзеу жыйылгъанды. |
 |
|
10.08.2026 - 14:25 Бу кюнледе Моллаланы тукъум жыйылыулары болгъанды. |
 |
|
10.08.2026 - 10:45 Жамауатха жашау юйле, заводла, больницала, мектепле, электростанцияла, тап жарашдырылгъан арбазла, жолла эмда башха мекямла не заманда да керекдиле. |
|
